ডিমৌ আলুন নগৰত বুঘবাৰে এটা কম্পিউটাৰ প্ৰশিক্ষণ কেন্দ্ৰ মুকলি কৰা হয়। ডিআইটিআৰপি অধীনত অঞ্চলটোৰ ছাত্ৰ-ছাত্ৰী সকলৰ বাবে স্থাপন কৰা এই কম্পিউটাৰ কেন্দ্ৰটো ফিটা কাটি আনুষ্ঠানিক ভাৱে মুকলি কৰে আটাছু শিৱসাগৰ মহকুমা সমিতিৰ সাধাৰণ সম্পাদক সুমিত কুমাৰ সন্দিকৈ । ডিমৌৰ জ্যেষ্ঠ সাংবাদিক উমেশ চেতিয়া, আটাছু ডিমৌ আঞ্চলিকৰ সভাপতি বিদ্যুৎ দুৱৰা উপস্থিত থকা অনুষ্ঠানটোত কেন্দ্ৰটোৰ স্বত্বাধিকাৰী বিশ্ব বড়াৰ লগতে ভালে সংখ্যক ৰাইজ উপস্থিত থাকে ।
কেন্দ্ৰটোৰ স্বত্বাধিকাৰী বিশ্ব বড়াই অঞ্চলটোৰ ছাত্ৰ সমাজক কম্পিউটাৰৰ বিভিন্ন পাঠ্যক্ৰম বিনামূলীয়া নামভৰ্তিৰে আৰু কেৱল মাত্ৰ ৪৯০টকাৰ মাহেকীয়া মাচুলৰে আগবঢ়াব বুলি সকলোকে অৱগত কৰে । কম্পিউটাৰ প্ৰশিক্ষণ কেন্দ্ৰটোৰ লগত বজাৰ মূল্যতকৈ কম টকাত জেৰক্স , ডিটিপি আদিৰ ব্যৱস্থাও কৰা হৈছে । আগ্ৰহী ছাত্ৰ-ছাত্ৰী সকলে ৭০০২৮৫৫৯৭৩ নম্বৰত যোগাযোগ কৰি কেন্দ্ৰটোৰ উপলব্ধ কম্পিউটাৰ বিভিন্ন পাঠ্যক্ৰমৰ বিষয়ে জানিব পাৰিব ।