আলফাত যোগদানৰ বাবে যোৱা দুই যুৱকক উদ্ধাৰ তিনিচুকীয়া আৰক্ষীৰ লগতে ভাৰতীয় সেনাৰ। গোপন খবৰৰ ভিত্তিত অভিযান চলাই ভাৰতীয় সেনাৰ ৰূপাইস্থিত ৰেড চিল্ড ডিভিজনৰ এটা দলৰ লগতে তিনিচুকীয়া আৰক্ষীৰ এটা দলে উদ্ধাৰ কৰে যুৱক দুগৰাকীক।
উদ্ধাৰ হোৱা যুৱক দুগৰাকীৰ পৰা এটা মবাইল ফোনৰ লগতে ফোন নাম্বাৰ লিখি ৰখা এখন ডায়েৰী উদ্ধাৰ কৰে আৰক্ষীয়ে।ইফালে উদ্ধাৰ হোৱা দুই যুৱকক ইতিমধ্যে পৰিয়ালৰ হাতত চমজাই দিছে তিনিচুকীয়া আৰক্ষীয়ে।