ভাৰত চীন সীমান্তত শ্বহীদ হোৱা বীৰ সেনা জোৱান সকলক “ৰাম সেনা” নলবাৰী সমিতিৰ পৰা বন্তি প্ৰজ্বলন আৰু শ্ৰদ্ধাঞ্জলি জ্ঞাপন ।
দৈনন্দিন বাৰ্তা ডেস্ক:
ভাৰত- চীন সীমান্তত দেশৰ হকে শ্বহীদ হোৱা বীৰ জোৱান সকলক আজি সন্ধিয়া নলবাৰী চহৰৰ গোল পাৰ্কৰ চকত ৰাজহুৱা ভাৱে বন্তি প্ৰজ্বলন আৰু শ্ৰদ্ধাঞ্জলি জনোৱা হয় । ৰাম সেনা নলবাৰী সমিতিয়ে অনুষ্ঠিত কৰা এই ৰাজহুৱা বন্তি প্ৰজ্বলন আৰু শ্ৰদ্ধাঞ্জলি অনুষ্ঠানত উপস্থিত ৰাম সেনাৰ বিষয়ববীয়া সহ কৰ্মী সকলৰ লগতে উপস্থিত ৰাইজে বন্তি প্ৰজ্বলন কৰাৰ লগতে নলবাৰী সদৰ থানাৰ আৰক্ষী বিষয়া সকলেও দেশ হকে প্ৰাণ দিয়া জোৱান সকলক শ্ৰদ্ধাঞ্জলি জনাই বন্তি প্ৰজ্বলন কৰে । লগতে অনুষ্ঠানটোত উপস্থিত সকলো ব্যক্তিয়ে মৌণ প্ৰাৰ্থনা কৰি ভাৰতীয় সেনা বাহিনীৰ শ্বহীদ জোৱান সকলক স্মৰণ কৰে ।