হয় আমাক গুলীয়াই মাৰক ! নহলে আমাক ৰক্ষা কৰক। যমুনামুখৰ নিখাৰি নৈপৰীয়া ৰাইজৰ আতংক ।

ডবকা: যমুনামুখত ভয়াৱহ খহনীয়াই নিদ্ৰা হৰণ কৰিছে নৈ পৰীয়া ৰাইজৰ । হোজাইৰ যমুনামুখৰ ১০ টা কৈ পৰিয়াল খহনীয়াৰ কবলত পৰিছে । যমুনামুখ পাতিদয়া গাঁৱৰ দহটা পৰিয়ালৰ বাসগৃহ নিখাৰী নৈৰ গৰাখহনীয়াত অধিকাংশ ম্যাদি মাটিসহ বাৰী জাহ যায়। পৰিয়ালকেইটাৰ নিজৰ ম্যাদি পট্টাত থকা কেবাটাও বাসগৃহ ইতিমধ্যেই খহনীয়াৰ কবলত পৰি নৈৰ বুকুত জাহ গৈছে। ভুক্তভোগীৰ মন্তব্য হয় চৰকাৰে আমাক গুলীয়াই মাৰক, নহলে আমাক খহনীয়াৰ কবলৰ পৰা ৰক্ষা কৰক। খহনীয়াৰ কবলত পৰা দহটা পৰিয়ালৰ মাজত আতংক বিৰাজ কৰিছে । যিকোনো মূহুৰ্ততে বাকীবোৰ ঘৰ কেইটা নৈৰ বুকুত খহি পৰাটো সম্ভাৱনা প্ৰকট হৈ পৰিছে। ভুক্তভোগীৰ দাবী চৰকাৰ তথা স্থানীয় বিধায়কে শীঘ্ৰে এই অঞ্চলটোত খহনীয়া প্ৰতিৰোধৰ ব্যৱস্থা গ্ৰহণ কৰক।