প্ৰাগ চিনে এৱাৰ্ডছক লৈ সংবাদমেল আয়োজন।উপস্থিত থাকে প্ৰাগ নিউজৰ CMD ডঃ সঞ্জীৱ নাৰায়ণ, প্ৰেচিডেন্ট ডঃ অক্ষতা নাৰায়ণ, প্ৰাগ চিনে এৱাৰ্ডছৰ জন্মদাতা কৌশিক নাথ,বৰ্ষিয়ান অভিনেতা নিপন গোস্বামী,বিশিষ্ট ছবি পৰিচালক তথা প্ৰাগ চিনে এৱাৰ্ডছৰ সভাপতি সঞ্জীৱ হাজৰিকা,প্ৰাগ নিউজৰ মুখ্য সম্পাদক প্ৰশান্ত ৰাজগুৰু, পৰিচালক নয়ন প্ৰসাদ প্ৰমুখ্যে বহু বিশিষ্ট ব্যক্তি।২০২২ বৰ্ষত প্ৰাগ চিনে এৱাৰ্ডছ অনুষ্ঠিত কৰা হ’ব শিলচৰত।ক’ভিড পৰিস্থিতিৰ প্ৰতি লক্ষ্য ৰাখি এদিনীয়াকৈ অৰ্থাৎ ২৬ মাৰ্চত অনুষ্ঠিত কৰা হ’ব প্ৰাগ চিনে এৱাৰ্ডছ।জীৱন যোৰা সাধনা বঁটা আগবঢ়োৱা হ’ব খ্যাতনামা অভিনেত্ৰী মলয়া গোস্বামীলৈ।বঙালী চিনেমাৰ আগশাৰীৰ প্ৰথিতযশা অভিনেতা প্ৰসেনজিৎলৈ পূৰ্বোত্তৰ চলচ্চিত্ৰ বঁটা আগবঢ়োৱা হ’ব।
গ্লোবেল আইকন এৱাৰ্ডছ বলিউডৰ অভিনেত্ৰী,অসম সন্তান সীমা বিশ্বাসলৈ।বলিউডৰ লগতে বেংগলৰ বহু শিল্পীয়ে পৰিবেশন কৰিব বৰ্ণাঢ্য অনুষ্ঠান।২০২১-২০২২ বৰ্ষত মুক্তি পোৱা ৩৯খন অসমীয়া ছবিয়ে বিভিন্ন শিতানত লাভ কৰিছে মনোনয়ন।লগতে উত্তৰ পূৱৰ বিভিন্ন ভাষাৰ ছবিয়েও শ্ৰেষ্ঠতাৰ ভিত্তিত লাভ কৰিব বঁটা।বৰাক ব্ৰহ্মপুত্ৰৰ মাজত সমন্বয় গঢ়াৰ হেতুকে এ.এম টেলিভিছনৰ এই বিশাল আয়োজন।