বৰপেটা বাসীৰ প্ৰাণৰ উৎসৱ দৌল মহোৎসৱ৷অহা ১৬ মাৰ্চৰ পৰা চাৰিদিনীয়া কাৰ্যসূচীৰে বৰপেটা সত্ৰত অনুষ্ঠিত হব দৌল মহোৎসৱ ৷ সত্ৰীয়া পৰম্পৰা অনুসৰি পালন কৰা দৌল মহোৎসৱৰ কাৰ্যসূচী অনুসৰি ১৬ মাৰ্চত বহ্নুৎসৱ, ১৭ আৰু ১৮ মাৰ্চত ভৰদৌল আৰু ১৯ মাৰ্চত অনুষ্ঠিত কৰা হব সুৱেৰী বা ফাকুৱা এয়া হৈছে বৰপেটা সত্ৰৰ ৰাতিৰ দৃশ্য ৷ বৰপেটা সত্ৰৰ দালানৰ সন্মূখভাগ ভৰি পৰিছে ডেকা লৰাৰে কাৰন বৰপেটা বাসীৰ প্ৰাণৰ উৎসৱ দৌললৈ মাজত মাত্ৰ দুটাদিন ৷
দৌল মহোৎসৱ আহাৰ এমাহ আগৰ পৰাই বৰপেটা বাসীৰ প্ৰতিজন লোকৰে মুখে মুখে শুনা যায় হোলীগীত ৷ দৌলৰ দিন চমু চাপি আহাৰ লগে লগে এনেদৰে বৰপেটাৰ বিভিন্ন প্ৰান্তৰ পৰা ডেকাসকল আহি সত্ৰৰ সম্মূখত হোলীগীত গাই কৃষ্ণ প্ৰেমত মতলীয়া হৈ পৰে ৷