নতুন দিল্লীত সাত দিন ধৰি বক্সিং ৰিঙত যুঁজ দি আছে বক্সাৰ লাভলীনা বৰগোহাঁয়ে। টকিঅ’ অলিম্পিক গেমছৰ ব্ৰঞ্জ বিজয়ী লাভলীনা বৰগোঁহাইয়ে তুৰস্কত অনুষ্ঠিত হ’বলগীয়া মহিলা এলিট বিশ্ব বক্সিঙলৈ যোগ্যতা অৰ্জন কৰিছে। তুৰস্কৰ ইষ্টানবুলৰ বিশ্ব চেম্পিয়ন শ্বীপত মহিলাৰ ৭০ কেজি শাখাত অংশ গ্ৰহণ কৰিব লাভলীনাই।বিশ্ব বক্সিঙলৈ যোগ্যতা অৰ্জনৰ পিছত পৰৱৰ্তী সময়ত লাভলীনা বৰগোহাঁই চীনৰ হংজাওত অনুষ্ঠিত হ’বলগীয়া ঊনবিংশতিতম এছিয়ান গেমছৰ বাবে যোগ্যতা অৰ্জন কৰিছে।
এটা কথা কব লাগিব যে লাভলীনা বৰগোহাঁয়ে নিজৰ খেলুৱৈ জীৱনত অলিম্পিক গেমছ, কমনৱেলথ গেমছ, বিশ্ব চেম্পিয়নশ্বীপ, এছিয়ান চেম্পিনশ্বীপ সকলোতে অংশ লৈছিল যদিও এছিয়ান গেমছত অংশ লোৱা নাছিল। এইবাৰ প্ৰথম এছিয়ান গেমছলৈ যোগ্যতা অৰ্জন কৰিছে লাভলীনা বৰগোহাঁয়ে।