দৈনন্দিন বাৰ্তাৰ ডেস্ক:
নাই কোনো জ্বৰৰ লক্ষণ, নাই কাঁহ, ডিঙিৰ বিষ বা শ্বাসকষ্ট৷ কিন্তু সন্দেহ হোৱাত পৰীক্ষা কৰি পালে ক’ভিড-১৯ পজিটিভ৷ ক’ভিড-১৯ আক্ৰান্তৰ সংখ্যা প্ৰতিদিনেই বৃদ্ধি পাইছে৷ এই ভাইৰাছত আক্ৰান্ত হ’লে অন্যতম উপসৰ্গ হ’ল জ্বৰ৷ এই কথা ইমান দিনে সকলোৱে জানি আহিছে৷ কিন্তু জ্বৰ, কাঁহ আৰু শ্বাসকষ্টৰ উপৰি নতুন নতুন উপসৰ্গ আহিছে ৰোগীৰ মাজলৈ৷ ক্ৰিটিকেল কেয়াৰ বিশেষজ্ঞ এজনে জনোৱা মতে ক’ভিড-১৯ত আক্ৰান্তৰ শ্বাসকষ্ট আৰু জ্বৰ আৰম্ভ হয় সংক্ৰমণা ৫-৬ দিনৰ পাছত৷ কলকাতাৰ এখন বেচৰকাৰী চিকিৎসালয়ৰ মুখ্য প্ৰশাসনিক বিষয়া এজন মাৰাত্মক ডায়েৰিয়াত আক্ৰান্ত হৈ চিকিৎসালয়ত ভৰ্ত্তি হৈছে৷ পৰীক্ষা কৰাৰ পাছত তেওঁ ক’ভিডত আক্ৰান্ত বুলি প্ৰকাশ৷ ইণ্ডিয়ান ছ’চাইটি ফৰ পেডিয়াট্ৰিৰ ডাৰ্মাট’লজীৰ সভাপতিয়ে জনোৱা মতে ক’ভিড-১৯ৰ উপসৰ্গ হিচাপে ভৰিৰ আঙুলিত চৰ্মৰোগ বা ঘা হ’ব পাৰে৷ তদুপৰি ছালৰ বিভিন্ন ঠাইত সৰু সৰু ম’হে কামুৰাৰ দৰে হ’ব পাৰে৷ ক’ভিডৰ বাবে ভৰিৰ ফুট ছুৰ নামৰ ভৰিৰ বুঢ়া আঙুলিৰ তলত এক বিশেষ ধৰণৰ ঘা হয়৷ একমাত্ৰ ক’ৰনা হ’লেন এই নিৰ্দিষ্ট সমস্যাই দেখা দিয়ে৷ ক’ৰনাৰ উপসৰ্গবোৰ হ’ল
* জিভাৰ সোৱাদ নোহোৱা হয় ৷
* গোন্ধ নাপায় ৷
* পিটৰ বিষ আৰু ডায়েৰিয়া হয় ৷
* ভৰিৰ আঙুলিত ঘা হয় ৷
* ছালৰ বিভিন্ন ঠাইত সৰু ম’হে কামোৰাৰ দৰে হয় ৷
* গাটো উখহে, বিষ হয়৷* পেটৰ বিষ আৰু বমি হ’ব পাৰে ৷
* জ্বৰৰ লগতে কঁপনি হ’ব পাৰে ৷
* ডিঙিৰ বিষ, কাঁহ, শ্বাসকষ্ট আৰু জ্বৰ হয় ৷
উল্লেখ্য যে ক’ভিড-১৯ত আক্ৰান্তৰ বহুৰে কোনো উপসৰ্গ নাই৷ হৰ্থাৎ ৬-৭ দিন শ্বাসকষ্ট হয় আৰু অৱস্থা সংকটজনক হৈ পৰে৷