মাৰ্ঘেৰিটাৰ বিশিষ্ট তাই ফাকে পৰিয়ালৰ চৌ এনগি চাইকিও চাখাপ আৰু নাং ই থান পোমুং চাখাপৰ প্ৰথম পুত্ৰ মৰহুম আই খাম মাউন চাখাপৰ পবিত্ৰ স্মৃতিত কোংমু খাম (গোল্ডেন প্যাগোডা) উদ্বোধন কৰা হয়।প্ৰথম দিনাৰ কাৰ্যসুচী অনুসৰি বৌদ্ধ পতকা উত্তোলন কৰে অসম বুদ্ধ মহাসভাৰ সভাপতি জ্ঞানোপল মহাথেৰা আৰু নাহাৰকটীয়াৰ নাম ফাকে বুদ্ধ বিহাৰৰ প্ৰধান ভিক্ষু। অসম, অৰুণাচল প্ৰদেশ, কাৰ্বিআংলংৰ পৰা অহা বৌদ্ধ ভক্তৰ উপস্থিতিত জ্ঞানোপল মহাথেৰায় অনুষ্ঠানটোৰ মুখ্য আকৰ্ষক কোংমু খাম (গোল্ডেন প্যাগোডা)ৰ শুভ উদ্বোধন কৰে।
জ্ঞানোপল মহাথেৰায় জানিবলৈ দিয়ে যে ফানেং বোদ্ধ বিহাৰ অসম আৰু অৰুণাচলৰ মাজত অৱস্থিত যি তীৰ্থযাত্ৰাৰ কাৰণে আকৰ্ষণীয় কেন্দ্ৰ বিন্দু আৰু এই অঞ্চলত তাইফাকে সম্প্ৰদায়ৰ লোকজন বসবাস কৰে যি অসম আৰু উত্তৰ পূব ৰাজ্যৰ ভিতৰত অন্যতম। সেই কাৰণে অসমৰ মূখ্যমন্ত্ৰী হিমন্ত বিশ্ব শৰ্মাক অনুৰোধ জনায় যে এই ফানেং বুদ্ধ বিহাৰটো উন্নিতকৰণৰ ব্যবস্থা কৰে যাতে ইয়াত ৰাষ্ট্ৰীয় আৰু আন্তৰাষ্ট্ৰীয় পৰ্যটক তথা ভক্তৰ সংখ্যা বৃদ্ধি পায়।