বৰপেটাত মেট্ৰিক পৰীক্ষাৰ নকল যোগানৰ ব্যৱসায়ত জড়িত ৫ জনক আটক ৷
বৰপেটাৰ নগাও আৰু পালহাজীৰ পৰা আটক কৰা হৈছে নকল ব্যৱসায়ীকেইটাক ৷
আজি আছিল মেট্ৰিক পৰীক্ষাৰ গণিত বিষয়ৰ পৰীক্ষা ৷
পিছে পৰীক্ষা আৰম্ভ হোৱাৰ পিচতেই একাংশই গণিত বিষয়ৰ উত্তৰ সম্বলিত নকল ব্যৱসায়ত নামি পৰে ৷
নকল বিক্ৰীৰ অভিযোগত নগাঁৱৰ পৰা ৰবিউল খান আৰু ৰুবুল আলি আৰু পালহাজী গাৱৰ পৰা মকিবুল ইছলাম, শ্বাহ আলম আৰু মাজিদুল ইছলামক আটক কৰে আৰক্ষীয়ে ৷
অৱশ্যে তদন্তৰ খাটিৰত আৰক্ষীয়ে সাংবাদিকৰ আগত মন্তব্য কৰাৰ পৰা বিৰত আছে ৷
আৰক্ষীৰ অভিযান অব্যাহত আছে আৰু নকল ব্যৱসায়ৰ ঘটনাৰ সৈতে বৃহৎ গেং জৰিত থকাৰ সন্দেহ কৰা হৈছে ৷
বিশেষকৈ কোনো পৰীক্ষা হলৰ পৰা প্ৰশ্ন কাকত ফাদিল কৰাৰ পিচত এনেদৰে নকলৰ ব্যৱসায় চলিছিল নেকি সেই বিষয়ে অনুসন্ধান অব্যাহত আছে ৷