ওপজা দিনৰ দিনটোতেই তীৰ্থনগৰী হাজোত উপস্থিত হ’য় ভাৰতীয় জনতা পাৰ্টি অনুসূচিত জাতি মৰ্চাৰ প্ৰাক্তন ৰাজ্যিক সভাপতি তথা অসম মীন উণ্ণয়ন নিগমৰ উপাধ্যক্ষ নবাৰুণ মেধি । উপস্থিত হৈ দৰ্শন কৰিলে তীৰ্থনগৰী হাজোৰ ঐতিহাসিক হয়গ্ৰীৱ মাধৱ মন্দিৰ ৷ মন্দিৰ দৰ্শনৰে ৰাইজৰ মংগলাৰ্থে ভগৱানৰ শ্ৰীচৰণত আশীষ লয় উপাধ্যক্ষ নৱাৰুণ মেধিয়ে।লগতে মন্দিৰ দৰ্শন কালত তেখেতক হাজো বিজেপিৰ নেতৃত্ববৃন্দই ফুলাম গামোছাৰে উষ্ম সম্বৰ্ধনাৰে ওপজা দিনৰ শুভেচ্ছাৱো জ্ঞাপন কৰে । ইয়াৰ পিছতে মন্দিৰ প্ৰাংগনত এক চিনাকী পৰ্ব অনুষ্ঠান সম্পণ্ণ হ’য় । অনুষ্ঠানৰ আঁত ধৰে অনুসূচিত জাতি কামৰূপ জিলা উন্নয়ন বোৰ্ডৰ অধ্যক্ষ নীলকান্ত দাসে। অৱশ্যে মন্দিৰ দৰ্শনৰ পিছতে মীন উণ্ণয়ন নিগমৰ অন্তৰ্গত হাজোৰ কেইবাটাওঁ বিল পৰিদৰ্শন কৰিব বুলি উল্লেখ কৰে উপাধ্যক্ষ নৱাৰুণ মেধিয়ে। তদুপৰি তেওঁ কাশ্মীৰ ফাইল সন্দৰ্ভত উল্লেখ কৰে যে ছবিখনে মানুহক বহু নজনা কথা জানিবলৈ দিছে ।
কাশ্মিৰত হিন্দু পণ্ডিত সকলে শোষন, উৎপীড়ন,অত্যাচাৰৰ সন্মূখীন হোৱা এটি বাস্তৱ অধ্যায় জনমানসত দাঙি ধৰিবলৈ চেষ্টা কৰা হৈছে বুলি উল্লেখ কৰি ছৱিখনৰ লগত জড়িত কলা কুশলী সকলক শুভেচ্ছা জ্ঞাপন কৰে উপাধ্যক্ষ নৱাৰুণ মেধিয়ে।আৰু মন্দিৰ দৰ্শন কালত উপস্থিত থাকে ভাৰতীয় জনতা পাৰ্টি উত্তৰ কামৰূপ জিলা অনুসূচিত জাতি মৰ্চাৰ সভাপতি চমিক দাস,ভাৰতীয় জনতা পাৰ্টি ৰাজ্যিক কিষান মৰ্চাৰ উপ সভাপতি ভাস্কৰজ্যোতি দাস,ৰমেন বেজবৰুৱা,বিজেপি নেতা কল্যান দাস,ভাস্কৰ ভৰালী,ব্ৰজেন্দ্ৰ ভৰালী,জিলি দাস,কিশোৰ ডেকাকে প্ৰমূখ্য কৰি প্ৰায়সংখ্যক বিশিষ্ট গণ্য মান্য ব্যক্তি।