ৰঙিয়াত শোকাৱহ পথ দুৰ্ঘটনা,থিতাতে নিহত এজন।
গুৱাহাটীৰ পৰা নলবাৰী অভিমুখে গৈ থকা অৱস্থাত ৰঙিয়াৰ বালাগাঁৱত সংঘটিত হয় এক শোকাৱহ পথ দুৰ্ঘটনা।
ঘটনাৰ বিৱৰণী অনুসৰি নিয়ন্ত্ৰণ হেৰুৱাই AS-14N-8798 নম্বৰৰ পালচাৰ বাইকত অহা এজন যুৱকে পথৰ দাঁতিৰ গছ এডালত খুন্দা মাৰে।তাৰ পিছতে পথৰ পৰা পুখুৰীত সৰি পৰে যুৱকজন।
মুহূৰ্ততে হুৱা দুৱা লাগে সমগ্ৰ অঞ্চলটোত। যুৱকজনক উদ্ধাৰৰ বাবে স্থানীয় ৰাইজে কাষ চাপে যদিও ইতিমধ্যে মৃত্যুক সাৱটি লয় যুৱকজনে।
লগে লগে ৰঙিয়া আৰক্ষীৰ এটা দল উপস্থিত হয় ঘটনা স্থলীত। স্থানীয় ৰাইজৰ সহযোগত মৃত যুৱকজনক উদ্ধাৰ কৰে ৰঙিয়া আৰক্ষীয়ে।
জানিব পৰা মতে মৃত যুৱকজন নলবাৰী কলেজ চ’কৰ জয়ন্ত কলিতা।