অসমীয়া জাতিৰ বাপতি সাহোন ৰঙালী বিহুটিক আদৰাৰ মানসেৰে পানীতোলা আঞ্চলিক ৰঙালী বিহুসন্মিলন আৰু পানীতোলা শৈক্ষিক বিকাশ মঞ্চই ৰঙালী বিহুৰ লগত সংগতি ৰাখি ১-১২ এপ্ৰিললৈকে পানীতোলা ন-গাঁও খেলপথাৰত ১০ দিনীয়াকৈ ঢোলবাদন কৰ্মশলা অনুষ্ঠিত কৰিছে।কৰ্মশালা বিয়লি ৩ বজাৰ পৰা সন্ধিয়া ৫ বজালৈ প্ৰশিক্ষণ দিয়াৰ ব্যৱস্থা কৰিছে আয়োজকে ।প্ৰশিক্ষক হিচাপে অংশগ্ৰহণ কৰিব বিশিষ্ট ঢোলবাদক তথা ৰাষ্ট্ৰীয় আৰু আন্তৰাষ্ট্ৰীয় পৰ্যায়ত বঁটাপ্ৰাপক বিতুপন দুৱাৰাই।
পানীতোলা শৈক্ষিক বিকাশ মঞ্চৰ সভাপতি প্ৰশান্ত বৰুৱা,সম্পাদক উজ্জ্বল বৰুৱা আৰু পানীতোলা আঞ্চলিক ৰঙালী বিহু সন্মিলনৰ সম্পাদক প্ৰণৱ বৰুৱাই বৃহত্তৰ পানীতোলা অঞ্চলৰ সকলো ছাত্ৰ-ছাত্ৰীকে কৰ্মশলাখনত অংশগ্ৰহণ কৰাৰ লগতে সকলো অভিভাৱকৰ সহায়-সহযোগিতা,দিহা -পৰামৰ্শ কামনা কৰিছে।সবিশেষ জানিবৰ বাবে ৯৪৩৫০০২০১৪ ,৯৬৭৮৩৩৯৮৩৮, ৮৬৩৮৬২৯৬৩০,৭০০২৬৬৯৬৮৭ নম্বৰত যোগাযোগ কৰিবলৈ উদ্যোক্তা সমিতিয়ে জনাইছে।