অসম সৰ্বশিক্ষা অভিযান মিছনৰ অন্তৰ্গত ২০০৮ চনতে প্ৰতিষ্ঠা হোৱা শোণিতপুৰ জিলাৰ জামুগুৰিহাটৰ “জামুগুৰিহাট বালক আৱাসিক বিশেষ প্ৰশিক্ষণ কেন্দ্ৰ”(RSTC)ত যোৱা ২৫ মাৰ্চত ৩০ গৰাকী শিশু ছাত্ৰৰ মূলসুতিকৰণ অনুষ্ঠান সফলতাৰে সম্পন্ন হয়৷ক’ভিডৰ বাবেই কেন্দ্ৰসমুহ দীৰ্ঘ সময়ধৰি বন্ধ থকাৰ পৰিপ্ৰেক্ষিতত ২০১৯ বৰ্ষৰপৰা বৰ্তমানলৈকে প্ৰশিক্ষণৰত,পূৰ্ৱৰ বিদ্যালয় বহিৰ্ভূত শিশু ছাত্ৰসকলক এই অনুষ্ঠানত শৈক্ষিক মানপত্ৰৰ লগতে কিতাপ কলম আদি উপহাৰস্বৰূপে আগবঢ়োৱা হয়৷প্ৰশিক্ষাৰ্থীসকলৰ মুলসূতিকৰণ অনুষ্ঠানটোত বিশেষভাৱে উপস্থিত থাকে জিলা আঁচনি বিষয়া দীপক বিশ্বাস,কনিষ্ঠ জিলা গাণনিক বিষয়া নৱাবুদ্দিন আহমেদ আৰু জিলা মানৰক্ষক বিষয়া শশী দাস৷
জিলা আঁচনি বিষয়া দীপক বিশ্বাসে শিশুসকলৰ অভিভাৱকসকলক উদ্দেশ্যি যিকোনো মূল্যৰ বিনিময়ত শিশু ছাত্ৰসকলে নিজ অঞ্চলৰ বিদ্যালয়সমুহত অবিৰতভাৱে যেন শিক্ষা গ্ৰহণ কৰে তাৰ ওপৰত এক গঠণমুলক পৰামৰ্শ আগবঢ়ায়৷জামুগুৰিহাট বালক আৱাসিক বিশেষ প্ৰশিক্ষণ কেন্দ্ৰৰ সমুহ কৰ্মীবৃন্দৰ সহযোগত অনুষ্ঠিত হোৱা অনুষ্ঠানটিত প্ৰশিক্ষাৰ্থী ছাত্ৰসকলে সুন্দৰকৈ কোৰাচ আৰু ভূপেন্দ্ৰ সংগীত পৰিৱেশন কৰি অনুষ্ঠানটোৰ পৰিৱেশ অধিক জীপাল কৰি তোলে৷