ধুবুৰীৰ গৌৰীপুৰস্থিত প্ৰমথেশ বৰুৱা মহাবিদ্যালয়ৰ বাকৰিত প্ৰমথেশ বৰুৱা মহাবিদ্যালয় আৰু উত্তৰ পুৰুষৰ মঞ্চৰ উদ্যোগত ,গৌৰীপুৰ শাখা সাহিত্য সভা ,ধুবুৰী জিলা লেখিকা সমাজ,গৌৰীপুৰ লেখিকা সমাৰোহ সমিতি,কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়,পি,বি কলেজ,অধ্যয়ন কেন্দ্ৰ আৰু দ্যা হিউমেনিটিৰ সহযোগত অনুষ্ঠিত “গল্পকথা” অনুষ্ঠানটো অতি সুন্দৰভাবে ৰূপায়ন হয়।গল্পক এক অভিনৱ কৌশলেৰে সংগীত আৰু কথকতাৰে জনমুখী কৰিবলৈ লোৱা বিশিষ্ট গল্পকাৰ অতনু ভট্টাচাৰ্য আৰু ধ্ৰুপদী শিল্পী মিতালী দেৰ যুগলবন্দীৰ এই একক আৰু অনন্য অনুষ্ঠানটোত গৌৰীপুৰ ,ধুবুৰী,বিলাসীপাৰা ,গোলকগঞ্জ আদি অঞ্চলৰ প্ৰায় দুই শতাধিক লোকৰ সমাগম হয়।উত্তৰ পুৰুষৰ মঞ্চৰ মুখ্য সম্পাদক ,বিশিষ্ট কবি গল্পকাৰ,প্ৰবন্ধকাৰ,কৃতীশিক্ষক দিবাকৰ ৰেণু আৰু প্ৰমথেশ বৰুৱা মহাবিদ্যালয়ৰ বুৰঞ্জী বিভাগৰ অধ্যাপিকা,বিশিষ্টা লেখিকা দুবৰি দলিচা চৌধুৰীয়ে আঁত ধৰা এই অনুষ্ঠানটোৰ মঞ্চৰ দ্বাৰ মুকলি কৰে মহাবিদ্যালয়খনৰ পৰিচালনা সমিতিৰ সভাপতি ধীৰেন্দ্ৰ নাথ ৰয়ে।
বিভিন্ন ক্ষেত্ৰত নিজ নিজ দক্ষতাৰ পৰিচয় বহন কৰা জ্যেষ্ঠ আৰু বিশিষ্ট ব্যক্তিসকলে বন্তি প্ৰজ্বলন কৰা অনুষ্ঠানটোত মংগলাচৰণ ধ্বনিৰে এক বিশেষ মাত্ৰা প্ৰদান কৰা হয়। সম্প্ৰতি অসম সাংস্কৃতিক দলৰ দ্বাৰা পৰিবেশিত “উত্তৰ পুৰুষৰ মঞ্চ”ৰ শীৰ্ষক সংগীতেৰে মুখৰিত হোৱা অনুষ্ঠানটোত পি বি কলেজৰ হৈ উদযাপন সমিতিৰ সভাপতি তথা ভাৰপ্ৰাপ্ত অধ্যক্ষ মফিজুৰ ৰহমান জোদ্দাৰ আৰু উত্তৰ পুৰুষৰ মঞ্চৰ মুখ্য সম্পাদক দিবাকৰ ৰেণুৱে আদৰণি বক্তব্য ৰখা “গল্পকথা”ত প্ৰথমটো গল্প পৰিবেশন হয়–কৃষণ ছন্দৰৰ গল্প “থালি কা বেংগন”।ইয়াৰ পিছত ক্ৰমে মোপাছাঁৰ গল্প- “দ্য নেকলেছ” এণ্টন চেখভৰ গল্প-“দ্য ডাৰ্লিং” গুলজাৰৰ গল্প-“ৰাভি পাৰ” আৰু হুমায়ুন আহমেদৰ গল্প-“ৰূপা”, অতি সুন্দৰ কথকতা আৰু সংগীতিক মুৰ্চ্ছনাৰে পৰিবেশিত হয়। কাৰ্য্যকৰী সভাপতি ,সমাজ সেৱক শিমূল সৰকাৰ আৰু যুটীয়া সম্পাদক, তথা পি, বি কলেজৰ অধ্যাপক ,বিশিষ্ট শিক্ষাবিদ ড০ গোপাল বৰ্মনৰ বলিষ্ঠ নেতৃত্বৰে সম্পাদিত এই অভিনৱ অনুষ্ঠানটো উপভোগ কৰি সাৰস্বত সমাজে আনন্দ প্ৰকাশ কৰে আৰু এটি নতুন সাহিত্যৰ সোৱাদ লাভ কৰা বুলি প্ৰকাশ কৰে।বিশিষ্ট কবি,কলেজখনৰ অধ্যাপক প্ৰনৱ কুমাৰ বৰ্মনে শলাগৰ শৰাই প্ৰদান কৰা ফাগুনৰ ফুৰ্ফৰিয়া সন্ধিয়া মুকলি মঞ্চত আয়োজিত এই অনুষ্ঠানে “গল্পকথা”ক অন্যতম মাত্ৰা প্ৰদান কৰিছে বুলি বিদ্যান সমাজে প্ৰকাশ কৰিছে।