পাচলি বিক্ৰী কৰা পিতৃৰ সন্তান মনিৰুলে দখল কৰিলে অষ্টম স্থান ৷ উৎফুল্লিত পৰিয়াল, অঞ্চলবাসী ৷

গৰৈমাৰী : আজি ঘোষণা হোৱা উচ্চতৰ মাধ্যমিক চূড়ান্ত পৰীক্ষাত দক্ষিণ কামৰূপ জিলাৰ গৰৈমাৰীৰ নাম উজলালে এগৰাকী দৰিদ্ৰ পৰিয়ালৰ ছাত্ৰই ৷ পিতৃ আমিৰ হামজায় পাচলি বিক্ৰী কৰি দুখ কষ্টৰ মাজেৰে সু-পুত্ৰ মনিৰুল ইছলামক শিক্ষাদান কৰোৱাইছিল নগাঁৱৰ ৰামানুজন কণিষ্ট মহাবিদ্যালয়ত ৷ মহাবিদ্যালখনৰ পৰা গৰৈমাৰী এলেকাধীন মহিমাৰী গাঁৱৰ  মনিৰুল ইছলামে এইবেলি বিজ্ঞান শাখাত ৪৭৫ নম্বৰ লৈ ৰাজ্যৰ ভিতৰত অষ্টম স্থান লাভ কৰি গৰৈমাৰী অঞ্চলৰ সুনাম কঢ়ুৃিয়াই আনিবলৈ সক্ষম হৈছে৷ খবৰ পোৱা মাত্ৰই গৰৈমাৰী কালাতলী সোণতলী চমুকৈ জিকেএছ প্ৰেছ ক্লাৱৰ কৰ্ম-কৰ্তা সকলে অতিকৈ দূৰ্গম বোকা বাট-পথ নেওচি মনিৰুলৰ ঘৰত উপস্থিত হৈ পৰিয়াবৰ্গক শুভেচ্ছা জনাই প্ৰেছ ক্লাৱৰ সম্পাদক নুৰুল ইছলামে ৷ উল্লেখ্য যে, মেধাৱী ছাত্ৰ মনিৰুল ইছলাম বিজ্ঞান বিভাগত ছয়গাঁৱৰ গৰৈমাৰী অঞ্চলত প্ৰথমজন স্থানপ্ৰাপ্ত হোৱা হেতুকে উৎফুল্লিত হৈ পৰিছে সমগ্ৰ গৰৈমাৰীবাসী ৷