নেৰা নেপেৰা বৃষ্টিপাতৰ মাজতে বাক্সা জিলাৰ ঐতিহ্যমণ্ডিত ভালুকদঙা বিদ্যামন্দিৰ হাইস্কুল, মেদাঘাটৰ আজিৰে পৰা দুদিনীয়াকৈ অনুস্থিত হৈছে সোণালী জয়ন্তী উৎসৱ ৷শনিবাৰে পুৱা সোণালী জয়ন্তী উৎসৱৰ পতাকা উত্তোলন কৰে ৫০ গৰাকী বিশিষ্ট, জ্যেষ্ঠ ব্যক্তিয়ে ৷স্থানীয় সমাজকৰ্মী তথা বিদ্যালয় পৰিচালনা সমিতিৰ সভাপতি কৃষ্ণকান্ত বসুমতাৰীয়ে বন্তি প্ৰজ্বলন আৰু মাল্যাৰ্পন কৰাৰ পাচত বৃক্ষৰোপন কৰে সমাজকৰ্মী উপেন দেউৰীয়ে ৷ইয়াৰ পাচতে প্ৰতিকুল বতৰকো নেওচি বিদ্যালয়ৰ ছাত্ৰ ছাত্ৰীৰ দ্বাৰা প্ৰদৰ্শন কৰা হয় বাৰেৰহণীয়া সাংস্কৃতিক শোভাযাত্ৰা ৷
ড: সৰ্বপল্লী ৰাধাকৃষ্ণণ শিক্ষক প্ৰশিক্ষণ আৰু গৱেষণা প্ৰতিষ্ঠান চামতাৰ অধ্যক্ষ ড: তৰুন চন্দ্ৰ ভাগৱতীয়ে সঞ্চালনা কৰা “ৰাষ্ট্ৰীয় নতুন শিক্ষানীতি আৰু মাধ্যমিক স্তৰত ইয়াৰ প্ৰয়োগ ” বিষয়ৰ আলোচনা চক্ৰত আলোচক হিচাপে উপস্থিত থাকে ড: ৰৱীন শৰ্মা ,সহকাৰী অধ্যাপক জ্ঞানপীঠ ডিগ্ৰী কলেজ ,নিকাছি আৰু বাক্সা জিলা এৱছুৰ উপ সভাপতি বাসিৰাম ৰামছিয়াৰীয়ে ৷ প্ৰদৰ্শনীৰ দ্বাৰ মুকলি কৰে খাদ্য আৰু অসামৰিক যোগান বিভাগৰ পৰিদৰ্শক জ্যোতিষ হালৈয়ে ৷