ক’ৰোনাত আক্ৰান্তৰ ৪.১৬ শতাংশক প্ৰয়োজন ভেণ্টিলেটৰৰ ।

দৈনন্দিন বাৰ্তাৰ ডেস্ক:
ক’ৰোনা ভাইৰাছত আক্ৰান্তসকলৰ ভিতৰত ৪.১৬ শতাংশ অৰ্থাৎ ৭৪২৩ জন ব্যক্তিক ভেণ্টিলেটৰৰ সহায় লাগে ৷ চৰকাৰৰ এজন বিষয়াই এই কথা উল্লেখ কৰে ৷ বিষয়াজনে লগতে কয় যে ২৭৩১৭ জন, যিটোৰ পৰিমাণ প্ৰায় ১৫.৩৫ শতাংশ ক’ৰোনাত আক্ৰান্ত লোকক আইচিইউ আৰু ২৮৩০১ জন অৰ্থাৎ ১৫.৮৯ শতাংশ ৰোগীক অক্সিজেনৰ প্ৰয়োজন হয় ৷ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ মতে দেশত বুধবাৰৰ পুৱা ৮ বজালৈকে মুঠ ক’ৰোনাত আক্ৰান্তৰ সংখ্যা হ’ল ৪৫৬১৮৩জন৷ ইয়াৰ লগতে মুঠ মৃত্যুৰ সংখ্যা ১৪৪৭৬ জন হ’ল ৷ দেশত যোৱা ২৪ ঘণ্টাত ৪৬৫ জন লোকৰ মৃত্যু হয় আৰু নতুনকৈ আক্ৰান্ত হয় ১৫৯৬৮ জন লোক৷ যোৱা ২৩ জুনত আইচিইউত ২৭৩১৭ (১৫.৩৪ শতাংশ), ভেণ্টিলেটৰত ৭৪২৩ (৪.১৬ শতাংশ) আৰু অক্সিজেন ২৮৩০১ (১৫.৮৯ শতাংশ) জনক ব্যৱস্থা কৰি দিয়া হৈছে৷ ২৩ জুনত মুঠ ২.৫৭ শতাংশ ক’ৰোনাত আক্ৰান্তক অক্সিজেনৰ প্ৰয়োজন হয় ৷ ইয়াৰ বিপৰীতে ২২ জুনত ২.৫৩ শতাংশক প্ৰয়োজন হৈছিল ৷ তদুপৰি ২২ জুনত ০.৫৪ শতাংশক ভেণ্টিলেটৰ আৰু ২.৯৯ শতাংশক অক্সিজেন লাগিছিল৷ ইয়াৰ উপৰি ২৫৮৬৮৪ জন ক’ৰোনাত আক্ৰান্ত আৰোগ্য হোৱাত ঘৰলৈ যাবলৈ দিয়া হয়৷ মন্ত্ৰালয়ৰ মতে ক’ৰোনাত আক্ৰান্ত হৈ আৰোগ্য হোৱা লোকৰ পৰিমাণ হ’ল ৫৬.৭১ শতাংশ ৷ উল্লেখ্য যে বিশ্ব স্বাস্থ্য সংস্থাৰ মতে ভাৰতত প্ৰতি লাখত মৃত্যু হোৱা লোকৰ সংখ্যা কম৷ ইপিনে দেশৰ ভিতৰত সৰ্বাধিক আক্ৰান্ত ৰাজ্যখন হ’ল মহাৰাষ্ট্ৰ ৷ এই ৰাজ্যখনত মুঠ আক্ৰান্ত ১৩৯০১০ জন আৰু মৃত্যুৰ পৰিমাণ হ’ল ৬৫৩১ জন ৷