দৈনন্দিন বাৰ্তাৰ ডেস্ক :
চীনৰ সৈতে সীমান্তত উত্তেজনা চলি থকাৰ পৰিপেক্ষিতত কেন্দ্ৰই লাডাখৰ সীমান্ত এলেকাৰ আন্তঃগাঁথনি উন্নয়নত গুৰুত্ব আৰোপ কৰিছে, লাডাখত ৫৪টা ম’বাইল টাৱাৰ নিৰ্মাণ কৰিব৷ ইয়াৰে এটা প্ৰকৃত নিয়ন্ত্ৰণ ৰেখাৰ কাষৰ ডেমচকত নিৰ্মাণ কৰা হ’ব৷ আঁচনি অনুসৰি, নুব্ৰি অঞ্চলত ৭টা, লেহত ১৭টা, জংছকাৰত কমেও ১১টা ম’বাইল টাৱাৰ স্থাপন কৰিব৷ ইয়াৰ লগতে কাৰ্গিলত ১৯ টা ম’বাইল টাৱাৰ স্থাপন কৰা হ’ব৷ ভাৰত আৰু চীনৰ মাজত প্ৰায় পাঁচটা দহকৰো অধিক কাল সংঘৰ্ষ হৈ আছে৷ শেহতীয়াকৈ ১৫ জুনৰ নিশা গালৱানত চীনা সৈন্যই মুখামুখি সংঘৰ্ষৰ সৃষ্টি কৰে৷ ভাৰতীয় সেনাৰ এক বিবৃতিত সেই সংঘৰ্ষত ২০জন ভাৰতৰ জোৱান মৃত্যু হয় আৰু চীনা সেনাৰ কেইবাজনো মৃত্যু হয় বুলি প্ৰকাশ৷