ভাৰত চৰকাৰৰ দ্বাৰা প্ৰতি বছৰে প্ৰদান কৰা সাহিত্য অকাডেমি যুৱ পুৰস্কাৰ এই বছৰৰ ৩০ আৰু ৩১ মাৰ্চ তাৰিখে চেন্নাইত প্ৰদান কৰা হয়। চেন্নাইৰ এছ. আৰ. এম. বিশ্ববিদ্যালয়ত দেশৰ বিভিন্ন প্ৰান্তৰ ২৪জন যুৱ লেখকক ২০২১বৰ্ষৰ সাহিত্য অকাডেমি যুৱ পুৰস্কাৰ প্ৰদান কৰা হয়। ভাৰত চৰকাৰৰ দ্বাৰা প্ৰতি বছৰে প্ৰদান কৰি অহা সাহিত্য অকাডেমী পুৰস্কাৰ গোলাঘাট জিলাৰ যুৱ লেখক অভিজিৎ বৰাই লাভ কৰে। তেওঁক ‘ডেউকা কোবাই যায়’ শীৰ্ষক গল্প সংকলনৰ বাবে এই বঁটা প্ৰদান কৰে।
তেওঁক সাহিত্য অকাডেমীৰ স্মাৰক আৰু নগদ ৫০হাজাৰ টকা প্ৰদান কৰা হয়। জ্ঞানপীঠ বঁটা বিজয়ী লেখক চন্দ্ৰশেখৰ কাম্বাৰে এই বঁটা প্ৰদান কৰে। বঁটা প্ৰদান অনুষ্ঠানত বিশিষ্ট অতিথি হিচাপে উপস্থিত থাকে তামিল লেখক এছ. ৰামকৃষ্ণন। উল্লেখযোগ্য যে, ‘ডেউকা কোবাই যায়’ৰ বাবে অভিজিৎ বৰাই ২০২০চনত ২৬ সংখ্যক মুনীন বৰকটকী বঁটাও পাবলৈ সক্ষম হৈছিল। যুৱ লেখকজনৰ এই সফলতাই নিশ্চিতভাৱে গৌৰৱান্বিত কৰি তুলিছে।