পদূলিমূখত হেঁপাহৰ ৰঙালী বিহুটি।মাজত মাথো কেইটামান দিনহে বাকী। অসমীয়াৰ চোতাল পাবহি অসমীয়া জাতীয় জীৱনৰ হৃদয় স্পন্দন স্বৰূপ বহাগৰ বিহুটি । সাজু সকলো ।সকলোৰে মন প্ৰাণ আনন্দত নাচি উঠিছে ।ঢোল পেপা গগণাৰ শব্দত চৌদিশ ৰজনজনাইছে ।পিছপৰি ৰোৱা নাই তীৰ্থনগৰী হাজো।হাজোৰ চেঁচামূখ শালৈপাৰাস্থিত ব্যক্তিগত মাধ্যমৰ অগ্ৰণী শৈক্ষিক প্ৰতিষ্ঠান ট্ৰেনজিচন একাডেমী’ৰ উদ্যোগত ৫ দিনীয়া বৰ্নাধ্য কাৰ্যসূচীৰে এইবেলি এখনি বিহু কৰ্মশালা অনুষ্ঠিত কৰা হৈছে।
বিহু কৰ্মশালাত বিহু নাচ,আৰু বিহু ঢোল’ৰ প্ৰশিক্ষণ দিয়া হ’ব। অনুষ্ঠানটিৰ শুভউদ্ধোধন কৰে ট্ৰেনজিচন একাডেমী’ৰ শৈক্ষিক উপদেষ্টা কৰনা কান্ত কলিতাই।
তদুপৰি প্ৰায় শতাধিক ছাত্ৰ ছাত্ৰীৰ অংশগ্ৰহনৰে সম্পণ্ণ হোৱা অনুষ্ঠানটিত মূখ্য প্ৰশিক্ষক ৰূপে উপস্থিত থাকে ২০০৯ বৰ্ষৰ অসম সম্ৰাজ্ঞী পাহাৰী বৰুৱা,আকাশবাণী গুৱাহাটী কেন্দ্ৰৰ স্বীকৃতিপ্ৰাপ্ত শিল্পী তথা বৰ বিহুৱা জিতুমণি দাস,বৰ বিহুৱতী নীলাশ্ৰী লাহন,বৰ বিহুৱতী অনিতা বৰাকে প্ৰমূখ্য কৰি প্ৰায়সংখ্যক বিশিষ্ট গণ্য মান্য ব্যক্তি।অৱশ্যে বৰ্তমানৰ প্ৰেক্ষাপটত ছাত্ৰ ছাত্ৰীক শ্ৰেণীগত শিক্ষাৰ উপৰিওঁ জাতীয় সংস্কৃতিৰ আভাস দিয়াৰ উদ্দেশ্য শীৰ্ষক বিহু কৰ্মশালাখনি অনুষ্ঠিত কৰা হৈছে বুলি উল্লেখ কৰে একাদেমীৰ শিক্ষা সচীব বাপন শালৈয়ে।