হেপাঁহৰ বহাগ বিহুলৈ হাতত মাথো আৰু দুটা দিন বাকী থকা অৱস্থাত জামুগুৰিহাটত সোমবাৰে মহিলাৰ দ্বাৰা অনুষ্ঠিত হৈছে এখন বজাৰ । যত উপলব্ধ হৈছে চিৰা , পিঠা, দৈ, ক্ৰীমকে ধৰি বিহুৰ সকলোবোৰ সামগ্ৰী । অসম ৰাজিক গ্ৰামীণ জীৱিকা অভিযান নদুৱাৰ খণ্ড অভিযান পৰিচালনা শাখাৰ উদোগত অনুষ্ঠিত হোৱা এই অসমী বহাগী মেলাত নদুৱাৰ উন্নয়ন খণ্ডৰ অন্তৰ্গত দহটা গাঁও পঞ্চায়তৰ মহিলা আত্মসহায়ক গোটৰ সদস্য সকলে তৈয়াৰ কৰা বিহুৰ জা- জলপান সমূহ বিক্ৰী কৰা হয় ।
মহিলাৰ দ্বাৰা অনুষ্ঠিত হোৱা এই বজাৰ খনত যথেষ্ট ক্ৰেতাৰ ভীৰ পৰিলক্ষিত হয় ।দুদিন ধৰি অনুষ্ঠিত হ’ব লগা এই মেলাখন আজি ৰঙা ফিটা কাটি শুভ উদ্বোধন কৰে স্থানীয় বিধায়ক পদ্ম হাজৰিকাই ।