থিয়েটাৰক কেন্দ্ৰ কৰি জাগীৰোডৰ সিন্ধিশৰত উত্তপ্ত পৰিস্থিতি ৷আগধন লৈও প্ৰদৰ্শন নকৰিলে থিয়েটাৰ ৷ উত্তেজিত ৰাইজে জ্বলাই দিলে উদয়ন থিয়েটাৰৰ বেনাৰ পোষ্টাৰ ৷ভ্ৰাম্যমাণ থিয়েটাৰ “উদয়ন”ৰ বিৰুদ্ধে প্ৰৱঞ্চনাৰ অভিযোগ ৷প্ৰযোজক জ্যোতিপদ তালুকদাৰ মুৰ্দাবাদ ধ্বনিৰে উত্তাল পৰিৱেশ ৷হয়, জাগীৰোডৰ সিন্ধিশৰ লক্ষী মন্দিৰৰ সাহায্যাৰ্থে ১১, ১২ আৰু ১৩ এপ্ৰিলত থিয়েটাৰ পৰিচালনা সমিতিয়ে আমন্ত্ৰণ জনাইছিল আগশাৰীৰ ভ্ৰাম্যমাণ উদয়ন থিয়েটাৰক ৷ সেইমতে দুয়োপক্ষৰ মাজত বুজাবুজি চুক্তিৰে আয়োজক সমিতিয়ে প্ৰযোজক জ্যোতিপদ তালুকদাৰক আগধন হিচাপে প্ৰদান কৰিছিল মুঠ ৫৩ হাজাৰ টকা ৷ কিন্তু থিয়েটাৰ প্ৰদৰ্শনৰ নিৰ্ধাৰিত তাৰিখৰ এদিন পিছতো উপস্থিত নহ’ল উদয়ন থিয়েটাৰ ৷
যাৰ পৰিপ্ৰেক্ষিতত আয়োজক সমিতি ভীষণ সমস্যাত পৰাৰ লগতে উত্তেজিত হৈ পৰে স্থানীয় লোক ৷ক্ষোভিত ৰাইজে উদয়ন থিয়েটাৰৰ বেনাৰ পোষ্টাৰ জ্বলাই দিয়াৰ লগতে প্ৰযোজক জ্যোতিপদ তালুকদাৰ মুৰ্দাবাদ ধ্বনিৰে উত্তাল কৰে পৰিস্থিতি৷এইক্ষেত্ৰত থিয়েটাৰ প্ৰযোজক সন্থাৰ লগতে চৰকাৰৰ বিভাগীয় কৰ্তৃপক্ষক ব্যৱস্থা লবলৈ আহ্বান জনায় আয়োজক সমিতিয়ে৷