গৰু বিহুৰ দিনটোৰ পৰাই বৰপেটা সত্ৰত আৰম্ভ হৈছে সাত দিনীয়া “বহাগৰ দোমাহী” তথা বৰপেটাত প্ৰচলিত ‘বৈহাগ’ৰ দোমাহি’ ৷ সংক্ৰান্তিৰ পৰা ৬ বহাগলৈ ৭ দিনীয়া বহাগৰ দোমাহী উপলক্ষে বৰপেটা সত্ৰত ভকত সকলে নিত্য নৈমিত্তিক প্ৰসংগত ভাগ লয় ৷ বৰ দোমাহী উপলক্ষে আজি গায়ন-বায়নে ঘোষা গাই প্ৰসংগত ভাগ লয় ৷ বৈহাগৰ বৰ দোমাহী উপলক্ষে আজি বৰপেটা সত্ৰত বিভিন্নজনে সেৱা লবলৈ ভীৰ কৰে ৷ বছৰটো যাতে সুকলমে পাৰ পাৰ তাৰবাবে সকলোৱে ঈশ্বৰৰ ওচৰত সেৱা লব ৷
ইপিনে বৰ দোমাহী উপলক্ষে আজি বৰপেটা সত্ৰত সত্ৰৰ দৈৱজ্ঞই বিহু গণনা কৰিব ৷ দৈৱজ্ঞৰ বিহু গণনা শুনিবলৈকো আজি বৰপেটা সত্ৰত বহু লোকৰ সমাগম হয় ৷
ইপিনে বৰপেটা সত্ৰৰ ডেকাসত্ৰীয়া গৌতম পাঠকে সকলো ৰাজিযবাসীৰ সুখ শানিতিৰ বাবে ঈশ্বৰৰ ওচৰত প্ৰাৰ্থনা জনাইছে ৷