ৰঙালী বিহুৰ মাজতে সত্ৰনগৰী বৰপেটাত শোকাৱহ ঘটনা ৷ পুখুৰীত গা – ধুবলৈ গৈ কিশোৰৰ সলিল সমাধি ৷ সলিল সমাধি ঘটা কিশোৰজন বৰপেটা চহৰৰ গান্ধীনগৰ নিবাসী বিৰাজ পাঠক আৰু মণিকা পাঠকৰ পুত্ৰ প্ৰিয়াংশু পাঠক ৷
প্ৰিয়াংশু পাঠক নামৰ কিশোৰজন বৰপেটা বিদ্যাপীঠ উচ্চতৰ মাধ্যমিক বিদ্যালয়ৰ নৱম শ্ৰেণীৰ ছাত্ৰ ৷বৰপেটা চহৰৰ ৰামৰায় ষ্টেডিয়ামৰ কাষৰ এটি পুখুৰীত গা ধুবলৈ গৈ কৰুণ মৃত্যুক সাৱটি লয় কিশোৰজনে ৷লগৰ বন্ধুৰ সৈতে পুখুৰীত গা -ধুবলৈ গৈছিল কিশোৰজনে ৷
পিছে ভালকৈ সাতুৰিব নজনা কিশোৰজনে দ’ পুখুৰীৰ পানীত ডুব যোৱাৰ লগে লগে বন্ধু কেইগৰাকীয়ে চিঞৰ বাখৰ কৰাত ওচৰৰ লোক উপস্থিত হৈ ছাত্ৰ জনক উদ্ধাৰ কৰে যদিও ইতিমধ্যে ছাত্ৰ জনৰ মৃত্যু হয় ৷ ফুটবল খেলি ভাল পোৱা শান্ত স্বভাৱৰ ছাত্ৰ জনৰ মৃত্যুত বৰপেটা চহৰত গভীৰ শোকৰ ছাঁ পৰে ৷