৪০ কোটি টকাৰ জালিয়াতিৰ গোচৰ: আপ পঞ্জাৱৰ বিধায়ক যশৱন্ত সিং গজ্জনৰ ৩ টা স্থানত অভিযান চিবিআইৰ

কেন্দ্ৰীয় অনুসন্ধান ব্যুৰোৱে আজি ৪০ কোটি টকাৰ বেংক জালিয়াতিৰ গোচৰত আপৰ পঞ্জাৱৰ বিধায়ক যশৱন্ত গজ্জনৰ সৈতে জড়িত তিনিটা স্থানত তালাচী চলায়। আপৰ বিধায়ক যশৱন্ত সিং ‘গজজন’, তেওঁৰ ভাতৃ কুলৱন্ত সিং আৰু তেওঁৰ ভতিজাকৰ বিৰুদ্ধে চিবিআইৰ ওচৰত এখন এজাহাৰ পঞ্জীয়ন কৰা হৈছিল।যশৱন্ত সিঙে বেংক অফ ইণ্ডিয়াক ৪০ কোটি টকাৰ প্ৰৱঞ্চনা কৰা বুলি গুৰুতৰ অভিযোগ উঠিছিল।যশৱন্ত সিং আম আদমী পাৰ্টিৰ পঞ্জাৱৰ অমৰগড়ৰ বৰ্তমানৰ বিধায়ক। ঋণ আদায় নিদিয়াৰ বাবেই বিধায়কগৰাকীৰ ঋণটো মঞ্জুৰ কৰা একাউণ্টটোক অনা-কাৰ্যকৰী একাউণ্ট হিচাবে ২০১৪ চনৰ ৩১ মাৰ্চত ঘোষণা কৰা হৈছিল।
একেদৰে বেংকে ২০১৮ চনৰ ৯ ফেব্ৰুৱাৰী ৪০.৯২ টকাৰ বকেয়া পৰিমাণৰ ধন অনাদায় হৈ থকা বুলি ঘোষণা কৰিছিল।

বিধায়কজনে বিভিন্ন জাল নথিপত্তৰ সহায়ত ঋণ লোৱাৰো অভিযোগ উঠিছিল। এনে অভিযোগৰ মাজতে আজি চিবিআইয়ে মালেৰকোটলা আৰু গৌনচপুৰাৰ তিনি স্থানত তালাচী চলায়।