গ্ৰাহকক উন্নতমানৰ সেৱা আগবঢ়োৱাৰ ঘোষণা কৰা স্বত্বাধিকাৰী মানৱজ্যোতি গগৈৰ তেল ডিপুত কেইদিমান যোৱা পাছতে তেলৰ সমানে পানী ওলোৱাত চিন্তিত সচেতন মহল ৷সম্প্ৰতি দেশত দ্ৰুত গতিত যান বাহনৰ সংখ্যা বৃদ্ধি পোৱাৰ সমান্তৰালভাৱে ইয়াৰ বাবে প্ৰয়োজনীয় ইন্ধনৰ চাহিদাও দিনক দিনে বৃদ্ধি পাব ধৰিছে ৷এনে ক্ষেত্ৰত টেঙাখাত দুলিয়াজানকে ধৰি দাঁতি কাষৰীয়া অঞ্চলৰ যান বাহন সমূহৰ বাবে দৈনিক প্ৰয়োজন হোৱা পেট্ৰল – ডিজেলকে ধৰি অনান্য যাৱতীয় ইন্ধনজাত সামগ্ৰীৰ চাহিদা পূৰণৰ বাবে কিছুদিনৰ পূৱে টেঙাখাত টিংৰাই চাৰিআলিৰ চেৰচেৰীজানত নায়েৰা কোম্পানীৰ অধীনত এম এন ফুৱেল জাংচন নামেৰে এটা পেট্ৰল পাম্প নতুনকৈ মুকলি কৰিছিল ৷
এই এম এন ফুৱেল জাংচন নামৰ পেট্ৰল পাম্পটো মুকলি কৰাৰ পিছত স্বত্বাধিকাৰী মানৱ গগৈয়ে পাম্পটো খোলাৰ বিষয়ে অৱগত কৰাৰ লগতে গ্ৰাহকৰ বাবে পাৰ্যমানে উন্নত সেৱা আগবঢ়োৱাৰ কথা ঘোষণা কৰিছিল যদিওঁ আজি তেলৰ সমান্তৰাল ভাৱে পানী ওলোৱাক লৈ চিন্তিত গাড়ী চালক লগতে সচেতট মহল ৷এনে তেল ডিপুৰ বিৰুদ্ধে প্ৰশাসনে কি ব্যৱস্থা গ্ৰহণ কৰে সেয়া সময়ত হে হ’ব লক্ষনীয়।আনহাতে কেইবাদিনো ধৰি চলি থকা মুষলধাৰ বৰষুণৰ ফলত তেল ডিপুৰ পাইপ লাইনত পানী সোমোৱা বুলি জনায় ডিপোখনৰ কৰ্মচাৰীয়ে।