তামুলপুৰ আৰক্ষীৰ সফল অভিযান।কৰ্মৰ সন্ধান দিয়াৰ প্ৰলোভনেৰে বহিঃৰাজ্যলৈ নি থকা ৫ গৰাকী কিশোৰী উদ্ধাৰ তামুলপুৰ আৰক্ষীৰ৷ৰঙিয়া জংচনত ৰেলযোগে বহিঃৰাজ্যলৈ যোৱাৰ প্ৰাকক্ষণত কিশোৰী কেইগৰাকীক আটক আৰক্ষীৰ৷কামৰ সন্ধানত কুমাৰীকাটাৰ পৰা পৰিয়ালৰ অগোচৰে ফুচুলাই দালালে নিবলৈ প্ৰস্তুতি চলাইছিল এই ৫ কিশোৰীক৷
ৰঙিয়াৰ ৰেল জংচনৰ পৰা গুজৰাটৰ ৰাজকোটলৈ নিবলৈ সাজু হৈছিল কিশোৰী কেইগৰাকী।ৰঙিয়া ৰেল আৰক্ষীৰ সহযোগত তামুলপুৰ আৰক্ষীয়ে উদ্ধাৰ কৰিবলৈ সক্ষম হয় এই ৫ গৰাকী কিশোৰীক৷এই ঘটনাৰ সৈতে জড়িত অনিতা নামৰ মহিলা এগৰাকী৷মহিলা গৰাকীয়ে গুজৰাতত এই ৫ কিশোৰীক কাম দিয়াৰ চলনাৰে নিবলৈকে সাজু হৈছিল৷