আজি ডিফুৰ বিজেপি পূৱ কাৰ্বি আংলং জিলা পাৰ্টিকাৰ্যালয়ত ২০০ তকৈও অধিক প্ৰাক্তন কংগ্ৰেছ নেতাই বিজেপিত যোগদান কৰে। ইয়াৰ ভিতৰত আছে কাৰ্বি আংলং জিলা কংগ্ৰেছ সমিতিৰ জি.এছ. শ্ৰী ডেনিয়েল ইংটি, মহিলা কংগ্ৰেছ জিলা সমিতিৰ সভাপতি শ্ৰীমতী কানম এংটিপি আৰু অন্যান্য বিভিন্ন বিশিষ্ট লোক।
মন্ত্ৰী পিযুষ হাজৰিকাই এই সভাত উপস্থিত থাকি ভাৰতীয় জনতা পাৰ্টিৰ পৰিয়াললৈ সকলোকে আদৰণি জনায় আৰু দলটোৰ নীতি আৰু আদৰ্শ পালন কৰি সকলোকে ত্যাগ আৰু নিষ্ঠাৰ ভাৱনাৰে আমাৰ মাতৃভূমিৰ সেৱা কৰিবলৈ আহ্বান জনায়।
মন্ত্ৰী পিযুষ হাজৰিকাৰ সৈতে কাৰ্বি আংলং স্বায়ত্তশাসিত পৰিষদৰ চিইএম ড০ তুলিৰাম ৰংহাং, বিধায়ক , বিদিয়া ছিং এংগেলং, সৰুপথাৰ সমষ্টিৰ পৰা প্ৰতিদ্বন্দিতা কৰা বিজেপি প্ৰাৰ্থী, অন্যান্য গণ্যমান্য ব্যক্তি আৰু দলৰ কৰ্মকৰ্তা সকল উপস্থিত আছিল।