হাইস্কুল শিক্ষান্ত পৰীক্ষাত নগাঁও জিলাৰ ৬ গৰাকীকৈ মেধাই সুনাম কঢ়িয়াই আনিছে ৷ নগাঁও চহৰৰ ব্যক্তিগত খণ্ডৰ শিক্ষা প্ৰতিস্হান খ্ৰীষ্টজ্যোতি স্কুলৰ তিনি ছাত্ৰীয়ে ৰাজ্যৰ ভিতৰত অষ্টম স্হান লাভ কৰিছে ৷ স্হান লাভ কৰা ছাত্ৰী তিনি গৰাকীৰ নাম হৈছে উদেষ্ণা বৰদলৈ, ৰাজনন্দিনী বৈদ্য আৰু তেজাল আগৰৱাল ৷ আনহাতে জিলাখনৰ ধিঙ স্হিত খ্ৰীষ্ট জ্যোতি স্কুলৰ ছাত্ৰ দৃষ্টি নন্দ কাশ্যপে নবম স্হান আৰু উদিত দাসে দশম স্হান লাভ কৰিছে ৷ চেন্ট বনিফিছ স্কুলৰ পৰা হামাদুৰ ৰহমানে দশম স্হান লাভ কৰি নগাঁৱলৈ সু নাম কঢ়িয়াই আনিছে ৷তিনিটাকৈ স্হান লাভ কৰাত উচাহেৰে ভৰি পৰিছে নগাঁৱৰ খ্ৰীষ্টজ্যোতি স্কুল চৌহদ ৷ স্হান লাভ কৰা উদ্দেষ্ণা বৰদলৈয়ে কলে আশা নকৰাকৈ এই ফল লাভ কৰিছো ৷ সুখী ফলাফলক লৈ ৷ নৃত্য আৰু সংগীতৰ প্ৰতি বিশেষ ৰাপ থকা উদেষ্ণাৰ পিতৃ ৰেল বিভাগৰ বিষয়া ভাস্কৰ বৰদলৈ আৰু শিক্ষয়ত্ৰী মাতৃ গাৰ্গী বৰুৱা ৷ মেধা ছাত্ৰী গৰাকীয়ে কলে পৰীক্ষাৰ বাবে পৰিকল্পনা কৰি পঢ়িছিলো ৷ এটা বিষয় সম্পূৰ্ণ নোহোৱাকৈ পঢ়াৰ পৰা উঠা নাছিলো ৷ভবিষ্যতে ভাৰতীয় প্ৰশাসনীক সেৱাৰ বিষয়া হোৱাৰ মন নগাঁও পানীগাঁৱৰ উদেষ্ণা বৰদলৈৰ ৷
অষ্টম স্হান প্ৰাপ্ত ৰাজনন্দিনী বৈদ্যয়ে কলে – যেতিয়াই মন যায় তেতিয়াই পঢ়িছিলো ৷ মা দেউতাৰ বাবে পঢ়াৰ বাবে কোনো দিন হেচা পোৱা নাছিলো ৷ নগাঁৱৰ কছলুখোৱাৰ ৰাজনন্দিনীয়ে ভবিষ্যতে চিকিৎসক হোৱাৰ সপোন পুহি ৰখাৰ কথা ব্যক্ত কৰি কয় যে আশা নকৰাকৈ এনে ফল পোৱাতসুখী ৷ ডচন স্কুলৰ অধ্যক্ষ তপন কুমাৰ বৈদ্য আৰু শিক্ষয়ত্ৰী মাতৃ দেবজানী বৰাৰ কন্যা ৰাজনন্দিনী বৈদ্য এগৰাকী সত্ৰীয়া নৃত্য শিল্পী ৷ ছবি আকিভাল পোৱা ৰাজনন্দিনীয়ে শৰীৰ চৰ্চা কৰি ভাল পায় ৷