সদ্যঘোষিত হাইস্কুল শিক্ষান্ত পৰীক্ষাৰ ফলাফলত ১০০ % উত্তীৰ্ণৰ হাৰেৰে উজ্বলি উঠিছে হাজোৰ দামপুৰস্থিত প্ৰগতি জাতীয় বিদ্যালয়।২০০৩ চনতে স্থাপিত ব্যক্তিগত মাধ্যমৰ অগ্ৰণী শিক্ষানুষ্ঠান প্ৰগতি জাতীয় বিদ্যালয়ত ২০২১-২২ ‘বৰ্ষৰ হাইস্কুল শিক্ষান্ত পৰীক্ষাত ১০০ % উত্তীৰ্ণ’ৰ হাৰ’ৰে সাফল্যৰ হাঁহি বিৰিঙি থকা দেখিবলৈ পোৱা গৈছে । বিদ্যালয় খনত সৰ্বমুঠ ২৩ গৰাকী ছাত্ৰ ছাত্ৰীয়ে অৱতীৰ্ণ হৈছিলে আৰু আটাইকেইগৰাকীয়ে সফলতাৰে উত্তীৰ্ণ হ’বলৈ সক্ষম হৈছে।২৩ গৰাকীৰ ভিতৰত ৪ গৰাকীয়ে ডিষ্ট্ৰিংশ্বন মাৰ্ক,৯ গৰাকীয়ে ষ্টাৰ মাৰ্ক,৮ গৰাকীয়ে প্ৰথম বিভাগত আৰু ২ গৰাকীয়ে দ্বিতীয় বিভাগত উত্তীৰ্ণ হৈ সাফল্যৰ হাঁহি মাৰিবলৈ সক্ষম হৈছে ।
অৱশ্যে বিদ্যালয়খনিৰ আশানুুৰূপ ফলাফলে ছাত্ৰ ছাত্ৰী ,শিক্ষক শিক্ষয়ত্ৰী সকলক উৎসাহিত কৰি তুলিছে।আৰু অনাগত দিনটো অধ্যায়ন,সততা,একাগ্ৰতাকে শিক্ষা জীৱনৰ মূল মাপকাঠিৰ আদৰ্শ ৰূপে লৈ শিক্ষাৰ্থী সকলে ভৱিষ্যত জীৱনত আগবাঢ়ি গলে সফলতা অৰ্জন কৰিবলৈ সক্ষম হ’ব পাৰিব বুলি উল্লেখ কৰে বিদ্যালয় পৰিচালনা কমিটি ও শিক্ষক শিক্ষয়ত্ৰীবৃন্দই।
অৱশ্যে প্ৰগতি জাতীয় বিদ্যালয়খনে পূৰ্বৰে পৰাই শৈক্ষিক গুনগত দিশত এক উণ্ণত মানদণ্ডৰ ফলাফলৰ ধাৰা অব্যাহত ৰাখিবলৈ সক্ষম হৈছে।লগতে বিদ্যালয়খনত শৈক্ষিক নৱজাগৰন সৃষ্টিৰ লক্ষ্যৰে উচ্চতৰ মাধ্যমিক বিজ্ঞান শাখাৰ নৱসংযোজনৰ ব্যৱস্থা কৰা হৈছে।যাৰা দ্বাৰ অঞ্চলটোৰ ছাত্ৰ ছাত্ৰীসকলে উচ্চ শিক্ষা গ্ৰহনৰ ক্ষেত্ৰত আৰু এখোজ আগুৱাই যাবলৈ সক্ষম হব বুলি বৌদ্ধিক মহলত চৰ্চিত হৈছে।