অলপতে মহানগৰীৰ সাতগাঁৱত ডেউকা নামেৰে যোগ আৰু সংগীত একাডেমী এখন আনুষ্ঠানিক ভাৱে উদ্ধোধন কৰা হয়। এই উপলক্ষে স্থানীয় ভালে সংখ্যক ব্যক্তি আৰু ছাত্ৰ ছাত্ৰীৰ উপস্থিতিত অমলেন্দ্ৰ মোহন দাসৰ সভাপতিত্বত উন্মোচন তথা গীত মাত সভা এখন অনুষ্ঠিত হয়। বন্তি প্ৰজ্বলনেৰে অনুষ্ঠানটো উদ্বোধন কৰে সংগীত প্ৰশিক্ষক তথা গবেষক ৰূপম জ্যোতি বৰাই। বিশিষ্ট অতিথি হিচাপে উপস্থিত থাকে সংগীত কৰ্মী বিপুল বৰা আৰু যুব লেখক বিজু বৰা।
ৰূপম জ্যোতি বৰাই শিক্ষাৰ্থী সকলক উদ্দেশ্যি সংগীত বিষয়ক বিভিন্ন গঠন মুলুক বক্তব্য ৰখাৰ উপৰি ভবিষ্যতে এজন ভাল নাগৰিক হবলৈ হ’লে সংগীত শিকাৰ প্ৰয়োজনীয়তাৰ বিষয়ে বিতং ভাবে ব্যাখ্যা কৰে। যুব লেখক বিজু বৰাই ভাষণ প্ৰসঙ্গত অতিতৰ মইনা পাৰিজাতৰ কথা বৰ্ণনা কৰে। বিপুল বৰাই বিষ্ণু প্ৰসাদ ৰাভাক স্মৰণ কৰি মানৱ জীৱনত সংগীতৰ প্ৰয়োজনীয়তা শীৰ্ষক গঠন মূলক পৰামৰ্শ আগবঢ়াই। উক্ত অনুষ্ঠানত পিয়ানো পৰিবেশন কৰে দৰ্শীল কাশ্যপ আৰু সম্ৰাট বিজু বৰাই। গীত পৰিবেশন কৰে মেঘনা বৈশ্য আৰু গীতাৰ পৰিবেশন কৰে শ্ৰুতালয় কলা নিকেতনৰ শিক্ষাৰ্থী সকলে।
ডেউকাৰ অধ্যক্ষ মানস ৰাভাই শিক্ষাৰ্থী সকলক কলা আৰু সংগীতৰ বিষয়ত গুৰুত্বৰ ওপৰত আলোকপাত কৰে।সভাখন আত ধৰে পুষ্পা দাসে ।