কেনিংটন অ’ভেলত ইংলেণ্ডৰ বিৰুদ্ধে উজলিল যশপ্ৰীত বুমৰাহ। এদিনীয়া কেৰিয়াৰৰ সবাটোকৈ উত্কৃষ্ট প্ৰদৰ্শন আগবঢ়াইছে বুমৰাহে। ৭.২ অ’ভাৰত মাত্ৰ ১৯ ৰান ব্যয়েৰে ৬টা উইকেট দখল কৰে বুমৰাহে। ইংলেণ্ডৰ ভূমিত ভাৰতীয় দ্ৰুত বলাৰ হিচাপে সৰ্বকালৰ অন্যতম শ্ৰেষ্ঠ বলিং ফিগাৰৰ নজিৰ তুলি ধৰিবলৈ সক্ষম হৈছে বুমৰাহে। বুমৰাহৰ বলিং বিক্ৰমৰ সুবাদতে ইংলেণ্ডে মাত্ৰ ১১০ ৰানতে ইনিংছ সামৰিবলগীয়া হৈছিল।
শেহতীয়াকৈ, বুমৰাহে আন এক কৃতিত্বৰ অধিকাৰী হৈ পৰিছে। আইচিচি ৰেংকিঙত বিশ্বৰ এক নম্বৰ বলাৰ হিচাপে যোগ্যতা অৰ্জন বুমৰাহৰ। বুধবাৰে এই কথা প্ৰকাশ কৰিছে আইচিচিয়ে। নিউজিলেণ্ডৰ ট্ৰেণ্ট ব’ল্টৰ ঠাইত ক্ৰিকেটৰ তিনিটা ফৰ্মেটতে ভাৰতৰ একমাত্ৰ পেচাৰৰ স্থান দখল কৰিছে বুমৰাহে। পাকিস্তানৰ শ্বাহীন আফ্ৰিদী তৃতীয় আৰু অষ্ট্ৰেলিয়ান পেচাৰ জোছ হেজেলউড চতুৰ্থ স্থানত আছে। আফগানিস্তানৰ মজিবুৰ ৰহমান আছে তালিকাৰ পঞ্চম স্থানত।
দলীয় ৰেংকিঙতো আগবাঢ়িছে ভাৰত। ইংলেণ্ডৰ বিৰুদ্ধে খেলৰ পূৰ্বে ভাৰতে ১০৫ ৰেটিং পইণ্টেৰে আইচিচিৰ ৰেংকিঙৰ চতুৰ্থ স্থানত আছিল ভাৰত। ইংলেণ্ডৰ হাতত পৰাস্ত হোৱাৰ পিছত ৰেটিং হয়গৈ ১০৬। আৰু ইয়াৰ লগে লগে ভাৰতে পাকিস্তানক অতিক্ৰম কৰিবলৈ সক্ষম হৈছে। ভাৰত এতিয়া বিশ্বৰ তিনি নম্বৰ স্থানত থকা এদিনীয়া দল। আনহাতে, সূৰ্যকুমাৰ যাদৱ এতিয়া বিশ্বৰ ৫ম গৰাকী লেখত ল’বলগীয়া টি-২০ বেটছমেন। দেওবাৰে ইংলেণ্ডৰ বিৰুদ্ধে ছিৰিজৰ তৃতীয় আৰু অন্তিমখন টি-২০ মেচত সূৰ্যকুমাৰৰ বেটৰ পৰা আহিছিল ১১৭ ৰানৰ উজ্জ্বল ইনিংছ।