কলিয়াবৰ :
ক্ৰমাৎ সুস্থ হৈ উঠিছে কাজিৰঙাৰ দিশহাৰা গঁড়টো। অৱশ্যে কাজিৰঙা ৰাষ্ট্ৰীয় উদ্যানৰ ৰাষ্ট্ৰীয় পথৰ দাঁতিত অৱস্থান লোৱা গঁড়টোয়ে এতিয়াও সেই স্থান এৰা নাই। পুৱাৰে পৰা গঁড়টোৱে উদ্যান কৰ্তৃপক্ষই যোগান ধৰা ঘাঁহ আশা কৰা ধৰণে।ৰাষ্ট্ৰীয় উদ্যানৰ বাগৰি বনাঞ্চলৰ বান্দৰডুবিত এতিয়াও অৱস্থান লৈ থকা গঁড়টোক কৰ্তৃপক্ষই ঘাঁহৰ লগতে ঔষধ যোগান ধৰি আছে। লগতে বিশিষ্ট পশু চিকিৎসক পদ্মশ্ৰী কুশল কুমাৰ শৰ্মাৰ নেতৃত্বত অহা চিকিৎসকৰ দলটোৰ পৰামৰ্শ মতে ৰোগীয়া চকুত নিয়মিত ঔষধ দি আছে বন কৰ্মীয়ে। বিশিষ্ট পশু চিকিৎসক গৰাকীয়ে গঁড়টো বয়ষ্ক আৰু চকুৰ দৃষ্টি দোষ থকাৰ বাহিৰে আন কোনো বেমাৰত আকান্ত নহয় বুলি জনাইছিল।আনহাতে, কাজিৰঙা ৰাষ্ট্ৰীয় উদ্যানৰ বাগৰি বনাঞ্চলৰ বনাঞ্চলিক বিষয়াই জনোৱা মতে, যোৱা ১৪ জুলাইতে ৰাষ্ট্ৰীয় উদ্যানখনৰ পৰা ওলাই অহা গঁড়টো পুণৰ উদ্যানৰ সীমাত আছে। যিহেতু, বন্য জীৱই প্ৰকৃতিৰ লগত যুঁজ দিয়েই জীয়াই থাকিব লাগে, সেয়ে এই গঁড়টোও ব্যতিক্ৰম নহয়। কৰ্তৃপক্ষৰ দ্বাৰা পৰিচৰ্য্যা আৰু চিকিৎসা সেৱা সঠিক ভাবেই চলাই নিয়া হৈছে। বানৰ জলস্তৰ কমিলেই দুই-এদিনতে সুস্থ হৈ ৰাষ্ট্ৰীয় উদ্যানৰ অন্তৰ্ভাগলৈ গতি কৰিব বুলি বিষয়া গৰাকীয়ে আশা প্ৰকাশ কৰে।
ক্ৰমাৎ সুস্থ হৈ উঠিছে কাজিৰঙাৰ দিশহাৰা গঁড়টো । কাজিৰঙা ৰাষ্ট্ৰীয় উদ্যানৰ পৰা ওলাই অহা গঁড়টো এতিয়াও ৩৭ নং ৰাষ্ট্ৰীয় পথৰ দাঁতিত
