হিন্দী ভাষা প্ৰতিযোগী নহয়, দেশৰ আন সকলো আঞ্চলিক ভাষাৰ “বন্ধু”হে: ছুৰাট সন্মিলনত হিন্দীৰ গুৰুত্ব ব্যাখ্যা কৰিলে অমিত শ্বাহে
অক্সফোৰ্ড অভিধানত অন্তৰ্ভুক্ত হিন্দী ভাষাৰ দাদাগিৰি, চামছা, চাক্কাজাম,দিদি আচ্ছা আদি শব্দ।
হিন্দী ভাষা প্ৰতিযোগী নহয়, দেশৰ আন সকলো আঞ্চলিক ভাষাৰ “বন্ধু”হে আৰু প্ৰতিটো ভাষাৰ বিকাশৰ বাবে হিন্দীয়ে আন ভাষাৰ সৈতে পাৰস্পৰিকভাৱে নিৰ্ভৰশীল। এই মন্তব্য কেন্দ্ৰীয় গৃহমন্ত্ৰী অমিত শ্বাহৰ আজি হিন্দী দিৱস উপলক্ষ্যে গুৰাটৰ ছুৰাটত এখন সন্মিলনত অংশগ্ৰহণ কৰি কেন্দ্ৰীয় গৃহমন্ত্ৰীগৰাকীয়ে এনেদৰে কয়।
গৃহমন্ত্ৰী শ্বাহে হিন্দী ভাষাৰ একত্ৰীকৰণ কাৰকৰ ওপৰত গুৰুত্ব আৰোপ কৰে আৰু আঞ্চলিক ভাষাসমূহ শক্তিশালী কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে। তেওঁ কয়, হিন্দীয়ে সমগ্ৰ দেশক চৰকাৰী ভাষা হিচাপে একতাৰ সূতাৰে বান্ধি ৰাখিছে।
শ্বাহে কয়, হিন্দীয়ে সমগ্ৰ বিশ্বতে ভাৰতলৈ বিশেষ সন্মান কঢ়িয়াই আনিছে। ইয়াৰ সৰলতা, স্বতঃস্ফূৰ্ততা আৰু সংবেদনশীলতাই সদায় আকৰ্ষিত কৰে।
হিন্দী দিৱস সন্দৰ্ভত প্ৰধানমন্ত্ৰী মোদীয়েও এক টুইটযোগে কয়, হিন্দী দিৱস সন্দৰ্ভত মই সেই সকলো লোকলৈ আন্তৰিক শুভেচ্ছা জনাইছোঁ, যিসকলে ইয়াক সমৃদ্ধ আৰু শক্তিশালী কৰাৰ ক্ষেত্ৰত অক্লান্ত অৱদান আগবঢ়াইছে।
শ্বাহে কয় যে প্ৰধানমন্ত্ৰী নৰেন্দ্ৰ মোদী নেতৃত্বাধীন চৰকাৰখনে হিন্দীকে ধৰি সকলো স্থানীয় ভাষাৰ সমান্তৰাল বিকাশৰ বাবে প্ৰতিশ্ৰুতিবদ্ধ। তেওঁ লগতে কয় যে ভাষাসমূহৰ সহাৱস্থান স্বীকাৰ কৰাৰ প্ৰয়োজন আৰু ইয়াৰ অভিধান সম্প্ৰসাৰিত কৰিবলৈ আন ভাষাৰ পৰা শব্দ গ্ৰহণ কৰি হিন্দীক নমনীয় কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।
তেওঁ পুনৰ কয়, মই এটা কথা অতি স্পষ্ট কৈ দিব বিচাৰো। কিছুমান লোকে হিন্দী আৰু গুজৰাটী, হিন্দী আৰু তামিল, হিন্দী আৰু মাৰাঠী প্ৰতিযোগী বুলি অপপ্ৰচাৰ চলাই আছে। হিন্দী দেশৰ আন কোনো ভাষাৰ প্ৰতিযোগী হ’ব নোৱাৰে। আপোনালোকে বুজিব লাগিব যে হিন্দী দেশৰ সকলো ভাষাৰ বন্ধু৷
দক্ষিণ ভাৰতৰ ৰাজ্যসমূহত হিন্দী ভাষাকলৈ তীব্ৰ বিতৰ্ক চলি থকাৰ সময়তে অমিত শ্বাহৰ এনে মন্তব্য তাৎপৰ্যপূৰ্ণ বিবেচিত হৈছে।বহুতে এই বুলি অভিযোগ কৰি আহিছে যে কেন্দ্ৰই দেশৰ অ-হিন্দী ভাষী লোকসকলৰ ওপৰত হিন্দী জাপি দিবলৈ চেষ্টা কৰি আছে। কৰ্ণাটকত, জনতা দল (চেকুলাৰ)য়ে হিন্দী ভাষাৰ প্ৰয়োগক লৈ প্ৰতিবাদ কৰিছিল।
জেডি (এছ)ৰ নেতা এইচ ডি কুমাৰস্বামীয়ে প্ৰশ্ন কৰিছিল যে চৰকাৰে হিন্দী দিৱসত কিয় ধন খৰচ কৰিছে। বুধবাৰে বাংগালুৰুত হোৱা প্ৰতিবাদৰ সময়ত তেওঁ কয়, কানাড়া উদযাপন কৰাৰ পৰিৱৰ্তে বোম্মাই চৰকাৰে হিন্দী উদযাপন কৰিছে। কৰ্ণাটকৰ প্ৰাক্তন বিধায়ক তথা কানাড়া চলৱলী ভাতাল পক্ষৰ (কেচিভিপি) নেতা ভাটাল নাগৰাজক বুধবাৰে বাংগালুৰু আৰক্ষীয়ে হিন্দী দিৱস উদযাপন কৰা চৰকাৰৰ বিৰুদ্ধে প্ৰতিবাদ সংগঠিত কৰাৰ বাবে গ্ৰেপ্তাৰ কৰে।
দক্ষিণ ভাৰতৰ কেইবাটাও দলে, বিশেষকৈ তামিলনাডুৰ শাসনাধিষ্ঠ দ্ৰাবিড় মুন্নেত্ৰা কাঝাগম (ডিএমকে)য়ে কেন্দ্ৰীয় চৰকাৰৰ বিৰুদ্ধে অ-হিন্দী ভাষী লোকৰ ওপৰত হিন্দী জাপি দিয়াৰ চেষ্টা কৰাৰ অভিযোগ উত্থাপন কৰিছে। ১৯৫৭ চনৰ ২১ ছেপ্টেম্বৰত ডিএমকেয়ে হিন্দী বিৰোধী সন্মিলনৰ আয়োজন কৰিছিল আৰু হিন্দীক আৰোপ কৰাৰ বিৰুদ্ধে দিনটো উদযাপন কৰাৰ সিদ্ধান্ত লৈছিল।
শ্বাহেকয় যে দেশৰ আঞ্চলিক ভাষাবোৰ কেৱল তেতিয়াহে সমৃদ্ধ হ’ব যেতিয়া হিন্দী সমৃদ্ধ হ’ব৷ সকলোৱে এইটো গ্ৰহণ কৰা আৰু বুজি পোৱা উচিত। যেতিয়ালৈকে আমি ভাষাৰ সহাৱস্থান স্বীকাৰ নকৰোঁ, আমি আমাৰ নিজৰ ভাষাত দেশ চলোৱাৰ সপোন দেখিব নোৱাৰো। আৰু মই আন্তৰিকতাৰে ক’ব বিচাৰো যে সকলো ভাষা আৰু মাতৃভাষাক জীয়াই ৰখা আৰু সমৃদ্ধিশালী কৰি ৰখাটো আমাৰ লক্ষ্য হ’ব লাগে। কেৱল এই সকলো ভাষাৰ সমৃদ্ধিৰ সৈতেহে হিন্দী সমৃদ্ধ হ’ব৷
প্ৰতি বছৰে ১৪ ছেপ্টেম্বৰত হিন্দী দিৱস পালন কৰা হয়। ভাৰতৰ চৰকাৰী ভাষা হিচাপে ঘোষণা কৰাৰ পিছত হিন্দী ভাষাৰ প্ৰতি উৎসৰ্গিত কৰা হৈছে দিনটো। ভাৰতৰ প্ৰথমগৰাকী প্ৰধানমন্ত্ৰী জৱাহৰলাল নেহৰুৱে ১৪ ছেপ্টেম্বৰক আনুষ্ঠানিকভাৱে হিন্দী দিৱস হিচাপে ঘোষণা কৰিছিল।
তেওঁ কয় যে হিন্দী হৈছে এক সামগ্ৰিক ভাষা আৰু হিন্দীৰ সৈতে স্থানীয় ভাষা শক্তিশালী কৰাৰ প্ৰয়োজনীয়তা আছে৷ শ্বাহে কয় যে ব্ৰিটিছে বিভিন্ন ভাৰতীয় ভাষাত সাহিত্যকৰ্ম নিষিদ্ধ কৰিছিল, যাৰ ভিতৰত আছিল হিন্দীত ৰচনা কৰা ২৬৪ টা কবিতা, উৰ্দুত ৫৮ খন, তামিলত ১৯ খন, তেলেগুত ১০ টা, পাঞ্জাৱী আৰু গুজৰাটীত ২২ টা, মাৰাঠীত ১২৩ টা, সিন্ধিত ৯ টা, ওড়িয়াত ১১ টা, ওড়িয়াত ১১ টা কবিতা । শ্বাহে লগতে কয় “এটা ভাষাত আন ভাষাৰ শব্দ গ্ৰহণ কৰিলে ভাষাটো নিম্নমানৰ নহয়, বৰঞ্চ ইয়াৰ পৰিসৰ বহল হয়। আমি হিন্দীক নমনীয় কৰি তুলিব লাগিব। যেতিয়ালৈকে আমি এনে নকৰোঁ, আমি হিন্দীৰ বিকাশ কৰিব নোৱাৰো”। উল্লেখ্য হিন্দী ভাষাই এতিয়া বিশ্বজনীন স্বীকৃতি লাভ কৰিছে। হিন্দী ভাষাৰ কেইবাটাও শব্দ যেনে দাদাগিৰি, চামছা, চাক্কাজাম,দিদি আচ্ছা আদি শব্দবোৰ অক্সফোৰ্ড অভিধানত অন্তৰ্ভুক্ত হৈছে।