ম’ৰবি দুৰ্ঘটনা সন্দৰ্ভত উচ্চ পৰ্যায়ৰ বৈঠক প্ৰধানমন্ত্ৰী নৰেন্দ্ৰ মোদীৰ, দুৰ্ঘটনাৰ কাৰণ সন্দৰ্ভত তদন্ত কৰাৰ নিৰ্দেশ

প্ৰধানমন্ত্ৰী নৰেন্দ্ৰ মোদীয়ে মঙলবাৰে গুজৰাটৰ ম’ৰবিত এক উচ্চ পৰ্যায়ৰ বৈঠকত সভাপতিত্ব কৰে আৰু তাত সংঘটিত দুৰ্ভাগ্যজনক দলং দুৰ্ঘটনাৰ পৰিস্থিতি পৰ্যালোচনা কৰিবলৈ ঘটনাস্থলী পৰিদৰ্শন কৰে।

প্ৰধানমন্ত্ৰী নৰেন্দ্ৰ মোদীয়ে মঙলবাৰে গুজৰাটৰ ম’ৰবিত এক উচ্চ পৰ্যায়ৰ বৈঠকত সভাপতিত্ব কৰে আৰু তাত সংঘটিত দুৰ্ভাগ্যজনক দলং দুৰ্ঘটনাৰ পৰিস্থিতি পৰ্যালোচনা কৰিবলৈ ঘটনাস্থলী পৰিদৰ্শন কৰে। বৈঠকত প্ৰধানমন্ত্ৰীয়ে কয় যে বিষয়াসকলে ক্ষতিগ্ৰস্ত পৰিয়ালসমূহৰ সৈতে যোগাযোগ তৈয়াৰ কৰিব লাগে আৰু এই দুখৰ সময়ত তেওঁলোকে যাতে সকলো সম্ভৱ সহায় লাভ কৰে সেয়া নিশ্চিত কৰিব লাগে। একে সময়তে বিষয়াসকলে প্ৰধানমন্ত্ৰীক উদ্ধাৰ অভিযান আৰু ক্ষতিগ্ৰস্ত লোকসকলক প্ৰদান কৰা সহায়ৰ বিষয়ে অৱগত কৰে।

“দুৰ্ঘটনা সম্পৰ্কীয় সকলো দিশৰ তদন্ত কৰা উচিত”: প্ৰধানমন্ত্ৰী মোডী

প্ৰধানমন্ত্ৰী মোডীয়ে কৈছিল যে সময়ৰ প্ৰয়োজন হৈছে এক বিতং আৰু বিস্তৃত অনুসন্ধান কৰা যিয়ে এই দুৰ্ঘটনাৰ সৈতে সম্পৰ্কিত সকলো দিশ চিনাক্ত কৰিব। তেওঁ এইটোও কৈছিল যে তদন্তৰ পৰা গুৰুত্বপূৰ্ণ শিক্ষাসমূহ অতি সোনকালে কাৰ্যকৰী কৰিব লাগে। বৈঠকত মুখ্যমন্ত্ৰী ভূপেন্দ্ৰভাই পেটেল, গৃহ ৰাজ্যমন্ত্ৰী হৰ্ষ সংঘৱী, গুজৰাট চৰকাৰৰ মন্ত্ৰী ব্ৰজেশ মেৰ্জা, গুজৰাটৰ মুখ্য সচিব, ৰাজ্যখনৰ ডিজিপি, স্থানীয় উপায়ুক্ত, এছপি, আৰক্ষী মহাপৰিদৰ্শক, বিধায়ক আৰু সাংসদসকল উপস্থিত থাকে।

প্ৰধানমন্ত্ৰী মোডীয়ে ঘটনাস্থলী পৰিদৰ্শন কৰে

ইয়াৰ পূৰ্বে মৰবিত উপস্থিত হৈ প্ৰধানমন্ত্ৰীয়ে দলং দুৰ্ঘটনাস্থলী পৰিদৰ্শন কৰে। প্ৰধানমন্ত্ৰী মোডীয়ে মৰবি জিলাৰ স্থানীয় চিকিৎসালয়ো পৰিদৰ্শন কৰে, য’ত তেওঁ আহতসকলৰ অৱস্থাৰ বিষয়ে সোধা-পোছা কৰে। তেওঁ উদ্ধাৰ আৰু সাহায্যৰ কামত নিয়োজিত লোকসকলৰ সৈতেও বাৰ্তালাপ কৰিছে আৰু তেওঁলোকৰ ধৈৰ্য্যৰ প্ৰশংসা কৰিছে।