‘ভুলভুলাইয়া-২’ৰ সফলতাৰ পাছত বলিউডত চৰ্চাৰ তুংগত আছে কাৰ্তিক। তেনেসময়তে খবৰ আহিছে যে নতুনকৈ প্ৰেমত মত্ত হৈ পৰিছে অভিনেতাগৰাকী।
কিন্তু কোনে হৃদয় চুৰি কৰিলে কাৰ্তিকৰ? ইয়াৰ আগলৈকে কাৰ্তিকৰ স’তে চাৰাহ আলি খান অথবা অনন্যা পাণ্ডেৰ নাম সাঙোৰ খাইছিল। কিন্তু এওঁলোক নহয়, আন এগৰাকী সুন্দৰীৰ হৃদয়তহে সোমাই পৰিছে কাৰ্তিক।
সুন্দৰীগৰাকীৰ নাম পচমিনা ৰোছন। চিনেমাত অভিনয় নকৰিলেও পচমিনা হৈছে হৃত্বিক ৰোছনৰ সম্বন্ধীয় ভগ্নী। অৰ্থাৎ ছাৰাহ-অনন্যাৰ পাছত এইবাৰ বলিউডৰ আন এটা পৰিয়ালৰ কন্যাৰ প্ৰেমত মত্ত্ হৈছে কাৰ্তিক।
ইতিমধ্যে পচমিনাৰ স’তে কাৰ্তিকক মুম্বাইৰ বিভিন্ন স্থানত একেলগে দেখা পোৱা গৈছে। আনকি শ্বুটিঙৰ মাজতো কাৰ্তিকে পচমিনাৰ স’তে ব্যস্ত থাকে।