শিৱসাগৰ
ক’ৰ’ণা ভাইৰাছৰ সংক্ৰমণ প্ৰতিৰোধৰ স্বাৰ্থত বিশ্বৰ বিভিন্ন প্ৰান্তৰ লগতে ভাৰততো চলি আছে লকডাউন। এনে এক আতংকময় পৰিবীৱেশৰ মাজত নিজৰ জীৱনকো তুচ্চ জ্ঞান কৰি ক’ৰ’ণাৰ বিৰুদ্ধে যুঁজত ৰাইজক সজাগ কৰি ৰখাৰ লগতে জিলাখনৰ বিভিন্ন প্ৰান্তৰ বা-বাতৰি প্ৰচাৰ কৰি দেশ আৰু জাতিৰ স্বাৰ্থত কাম কৰি যোৱা সংবাদ কৰ্মীসকলক সন্মান জনোৱাৰ লগতে উৎসাহিত কৰিবৰ বাবে শিৱসাগৰ ৰটাৰী ক্লাবে বৃহস্পতিবাৰে একোখনকৈ মাস্ক আৰু একোটাকৈ ছেনিটাইজাৰ প্ৰদান কৰে। শিৱসাগৰ প্ৰেছ ক্লাবৰ প্ৰেক্ষাগৃহত অনুষ্ঠিত এই মাস্ক আৰু ছেনিটাইজাৰ বিতৰণ অনুষ্ঠানৰ আঁতধৰে ড° প্ৰশান্ত প্ৰতিম শৰ্মা আৰু ডাঃ অঞ্জনা শৰ্মাই৷