দৈনন্দিন বাৰ্তা ডেস্ক : লকডাউনৰ সময়ছোৱাত মধ্য গুৱাহাটী উন্নয়ন সমিতিয়ে সদৌ অসম ভিত্তিত অনলাইন ৰচনা প্ৰতিযোগিতা অনুস্থিত কৰিছিল। ‘ক’ আৰু ‘খ’ দুটা শাখাত ৰচনা প্ৰতিযোগিতাখন অনুস্থিত হৈ যায়। আজি সমিতিৰ তৰফৰ পৰা আনুষ্ঠানিকভাৱে ফলাফলসমূহ ঘোষণা কৰা হয়। সাধাৰণ সম্পাদক ৰাজীৱ দাসে ফলাফলৰ ঘোষণা জানিবলৈ দিয়া অনুসৰি ‘ক’ শাখাৰ প্ৰথম পুৰস্কাৰ লাভ কৰে গোলাঘাটৰ ইশিতা বৰদলৈ, দ্বিতীয় পুৰস্কাৰ লাভ কৰে ধুপধাৰাৰ চায়ন সাহা, তৃতীয় পুৰস্কাৰ যুটীয়াভাৱে লাভ কৰে অনামিকা চিন্তে আৰু চন্দ্ৰা কুমাৰীয়ে। ‘খ’ শাখাত প্ৰথম পুৰস্কাৰ লাভ কৰে গুৱাহাটীৰ অৰ্কিমা গোস্বামীয়ে, দ্বিতীয় পুৰস্কাৰ লাভ কৰে গুৱাহাটীৰ চামিন ইয়েচাৰ আৰু তৃতীয় পুৰস্কাৰ লাভ কৰে গুৱাহাটীৰ বৰষা দাসে। আনহাতে নিচুকণি বঁটা লাভ কৰে ‘ক’ শাখাৰ প্ৰজ্ঞান কলিতা, ধনজিত দাস, নিহাৰিকা শইকীয়া আৰু অনৱেশ হাজৰিকা। আৰু ‘খ’ শাখাত নিচুকণি পুৰস্কাৰ লাভ কৰে অৰুণাভ হাজৰিকা আৰু অভিনৱ ভূঞা আৰু মিতালী গোস্বামীয়ে। উল্লেখ্য যে সমিতিৰ সভাপতি প্ৰাক্তন মেয়ৰ মৃগেন শৰণীয়া, মুখ্য উপদেষ্টা, বিশিষ্ট সমাজকৰ্মী অজয় দত্তই জানিবলৈ দিয়ে যে অহা ১৫ আগষ্টত দিনৰ ১২ বজাত বঁটাসমূহ পল্টন বজাৰস্থিত নেপালী চকত পুৰস্কাৰ প্ৰদান কৰা হ’ব।
