ভাৰতীয় জনতা পাৰ্টি নলবাৰী সমিতিৰ উদ্যোগত যোগদান কাৰ্যসূচী শীৰ্ষক অনুষ্ঠান

নলবাৰী : ভাৰতীয় জনতা পাৰ্টি নলবাৰী জিলা সমিতিৰ উদ্যোগত কালি যোগদান কাৰ্যসূচী শীৰ্ষক অনুষ্ঠান আয়োজন কৰা হয়। এই অনুষ্ঠানত উপ সভাপতি বাঁহজানী ছাত্ৰ সন্থাৰ বিকাশ কৈৱৰ্ত, সাংবাদিক কমল ডেকা, হিন্দু সুৰক্ষা মঞ্চৰ প্ৰচাৰ সম্পাদক কংকন তালুকদাৰসহ নলবাৰী জিলাৰ বহুকেইজন পুৰুষ-মহিলাই ভাৰতীয় জনতা পাৰ্টিত যোগদান কৰে। উল্লেখ্য যে ভাৰতীয় জনতা পাৰ্টি নলবাৰী সমিতিৰ দ্বাৰা আয়োজিত এই যোগদান কাৰ্যসূচীত নলবাৰী জিলাৰ অগপ, কংগ্ৰেছ দলকে বিভিন্ন দল সংগঠনৰ ব্যক্তি সকলে কালি যোগদান কৰে। এই কাৰ্যসূচীত অসম পৰ্যটক বিভাগৰ অধ্যক্ষ তথা ৰাজ্যিক বিজেপিৰ উপ সভাপতি জয়ন্ত মল্ল বৰুৱা, স্থানীয় বিধায়ক অশোক শৰ্মা, ৰাজ্যিক বিজেপিৰ সাধাৰণ সম্পাদক ফনিন্দ্ৰ কুমাৰ শৰ্মাসহ প্ৰমুখ্যে বহুকেইজন বিশিষ্ট ব্যক্তি উপস্থিত থাকে।