দৈনন্দিন বাৰ্তা ডেস্ক : অন্ধ্ৰপ্ৰদেশৰ কড়পা জিলাৰ খাজিপেট চহৰত ৰাজ্যখনৰ অপৰাধ তদন্ত বিভাগে (চিআইডি) অন্ধ্ৰপ্ৰদেশৰ হস্ততাঁত সমবায় সমিতি (এপকো)ৰ প্ৰাক্তন সভাপতি গুজলা শ্ৰীনিবাছুলুৰ ঘৰত শুকুৰবাৰে অভিযান চলায় ৷ চিআইডিৰ ডিএছপি সুববাৰাজুয়ে জনায় যে তেওঁৰ দলে দিনটো অভিযান চলাই আৰু কমেও তিনি কিলোগ্ৰাম সোণ, প্ৰায় দুই কিলোগ্ৰাম ৰূপ, এক কোটিৰো অধিক নগদ ধন আৰু বহু সম্পত্তিৰ নথিপত্ৰ জব্দ কৰে ৷ তেওঁ লগতে কয় যে ১০ লাখ টকাৰ পুৰণি মুদ্ৰাও শ্ৰীনিবাছুলুৰ ঘৰৰ পৰা উদ্ধাৰ কৰে ৷ উল্লেখ্য যে তেলেগু দেশম পাৰ্টিয়ে শাসন কৰা সময়তে চিআইডিত এপকোত চলা অনিয়মৰ সন্দৰ্ভত গোচৰ তৰি তদন্ত কৰা হৈছিল ৷ সুববাৰাজুয়ে লগতে জনায় যে দলটোৱে আদালতৰ অনুমতি লৈ শ্ৰীনিবাছুলুৰ বাসভৱন, তেওঁৰ ধৰমখানা পলে-ভিত্তিক কাৰ্যালয়, তেওঁৰ কৰ্মীৰ বাসভৱনত অভিযান চলাইছিল ৷ বিষয়াসকলে জনোৱা মতে চিআইডিয়ে হঠাতে তেওঁৰ সম্পত্তিত অভিযান চলোৱাত এপকোৰ প্ৰাক্তন সভাপতিজনে কোনো বস্তুৱেই লুকুৱাবলৈ নোৱাৰিলে ৷ তেওঁ কয়, কিয় ইমান বৃহৎ পৰিমাণৰ ধন, সোণ আৰু ৰূপ ঘৰতে ৰাখিছিল সেই বিষয়ে অনুসন্ধান কৰা হ’ব ৷
