নলবাৰী : আজি অসম জাতীয়তাবাদী যুৱ-ছাত্ৰ পৰিষদ, বৰভাগ আঞ্চলিক সমিতিৰ উদ্যোগত শিক্ষক দিৱস উপলক্ষে বৰভাগৰ ৬গৰাকী অৱসৰপ্ৰাপ্ত কৃতী শিক্ষক ক্ৰমে ৰাজ্যিক বঁটা প্ৰাপ্ত বীৰেন্দ্ৰ নাথ শৰ্মা, নাৰায়ণ শৰ্মা, নৰেশ্বৰ ডেকা, ফাইজুদ্দিন আহমেদ, সুৰেশ শৰ্মা, অমূল্য কাকতিক সম্বৰ্ধণা জ্ঞাপন কৰা হয়। অসম জাতীয়তাবাদী যুৱ-ছাত্ৰ পৰিষদ, নলবাৰী জিলা সমিতিৰ উপ-সভাপতি তপন লহকৰ, বৰভাগ আঞ্চলিক সমিতিৰ সভাপতি তাজিমউদ্দিন আহমেদ, ভাৰপ্ৰাপ্ত সাধাৰণ সম্পাদিকা জ্যোতিস্মিতা শৰ্মা, সমাজসেৱা সম্পাদক বিতোপন হালৈ, প্ৰচাৰ সম্পাদক জিয়াউল ৰহমান, পাৰবিন চুলতানা, বিত্ত সম্পাদক কংকন কলিতা, কাৰ্যনিৰ্বাহক সদস্য হিৰকজ্যোতি ডেকা, ইৰছাদ আলী, দেৱাশীষ কলিতা, ৰাইমাধা শাখা সমিতিৰ সভাপতি ময়ুৰ ৰহমান আৰু পৰিষদৰ সদস্য চাজিদ আহমেদৰ এটা দলে আঞ্চলিক সমিতিৰ কাৰ্যালয়ৰ পৰা ঘৰে ঘৰে গৈ ফুলাম গামোচা আৰু সম্বৰ্ধনা পত্ৰৰে কৃতী শিক্ষক কেইগৰাকীক সম্বৰ্ধনা জনায়। সম্বৰ্ধনা লাভ কৰি আটাইকেইগৰাকী অৱসৰপ্ৰাপ্ত শিক্ষক আবেগিক হৈ পৰে আৰু এই পদক্ষেপৰ শলাগ লয়।
