চুবুৰীয়া দেশ নেপালত ৫.২ ৰিখটাৰ স্কেলৰ ভূমিকম্পৰ ফলত মৃদু কম্পন অনুভূত হয়। নেপালৰ ৰাষ্ট্ৰীয় ভূমিকম্প নিৰীক্ষণ আৰু গৱেষণা কেন্দ্ৰ (এন ই এম আৰ চি)ৰ টুইটযোগে বাজুৰা জিলাৰ বিচিয়াৰ আশে-পাশে ১৩:৪৫ বজাত (স্থানীয় সময় অনুসৰি) এই ভূমিকম্পটো সংঘটিত হয়।
চুবুৰীয়া দেশ নেপালত ৫.২ ৰিখটাৰ স্কেলৰ ভূমিকম্পৰ ফলত বুধবাৰে (২২ ফেব্ৰুৱাৰী) দিল্লী-এনচিআৰত মৃদু কম্পন অনুভূত হয়।শেহতীয়াকৈ নেপালত ৫.৮ প্ৰাবল্যৰ ভূমিকম্পৰ ফলত কমেও তিনিটাকৈ ঘৰ ভাঙি গৈছে। ভূমিকম্পৰ কেন্দ্ৰবিন্দু আছিল বাজুৰাৰ হিমালী গাঁও পৰিষদ আৰু হুমলাৰ তাজাকোট গাঁও পৰিষদৰ সীমান্তৱৰ্তী অঞ্চল। উদ্ধাৰকাৰী আৰু স্থানীয় বিষয়াসকলে জনোৱা মতে, তথ্য অনুসৰি বতৰৰ অশুভ অৱস্থা আৰু যোগাযোগৰ মাধ্যমৰ অভাৱৰ বাবে তেওঁলোকে মাটিত তথ্য লাভ কৰাত অসুবিধা পাইছে।
ডিএছপি সূৰ্য থাপাই কয় যে, “ভূমিকম্পৰ পিছত অঞ্চলটোত আৰু কেইটামান ঘৰ ভাঙিছে। জিলাখনত আৰু ৩টা ঘৰ ভাঙি পৰাৰ তথ্য আমি পাইছো।”হিমালী গাঁও পৰিষদৰ মুৰব্বী গোবিন্দ বাহাদুৰ মল্লাই ফোনযোগে এএনআইক জনায় যে, “অশান্ত বতৰ আৰু অঞ্চলটোৰ বৰফ পৰাৰ বাবে আমি আন স্থানীয় লোকৰ সৈতে যোগাযোগ স্থাপন কৰিব পৰা নাই। টেলিফোনে কাম কৰা নাই।”