দেওপানী
বিশ্বজুৰি ক’ভিড-১৯ৰ সংক্ৰমণৰ তীব্ৰ হৈ থকাৰ সময়তে উজনি অসমৰ কেইবাখনো জিলাত হোৱা ছোৱাইন ফিভাৰে চিন্তিত কৰিছে গাহৰি পালকক৷ ছোৱাইন ফিভাৰৰ পৰা পৰিত্ৰাণ পোৱাৰ উদ্দেশ্যে কাৰ্বি আংলং জিলাৰ নিলিপ সমষ্টিৰ চৌকিহোলাত ছোৱাইন ফিভাৰ প্ৰতিৰোধ সম্পৰ্কীয় এখন সজাগতা সভা অনুষ্ঠিত হয়৷ কাৰ্বি আংলং জিলা পশু ধন আৰু পশুপালন বিভাগৰ উদ্যোগত অনুষ্ঠিত সজাগতা সভাত কাৰ্বি আংলং স্বায়ত্তশাসিত পৰিষদৰ পশুধন আৰু পশুপালন দপ্তৰৰ কাৰ্যবাহী সদস্য তৰেন্দ্ৰ ব্ৰহ্ম উপস্থিত থাকি ছোৱাইন ফিভাৰ প্ৰতিৰোধ সম্পৰ্কে উপস্থিত ৰাইজক পৰামৰ্শ আগবঢ়ায়৷ সভাত নিলিপ সমষ্টিৰ জনপ্ৰতিনিধি পবিত্ৰ ৰংপিও উপস্থিত থাকে। সজাগতা সভাত পশুধন আৰু পশুপালন বিভাগৰ জিলা বিষয়াৰ প্ৰমুখ্যে কেইবাগৰাকীও বিষয়া-কৰ্মচাৰী উপস্থিত থাকে৷ শনিবাৰে চৌকিহোলাৰ লগতে কেইবা ঠাইতো ছোৱাইন ফিভাৰ প্ৰতিৰোধ সম্পৰ্কে সজাগতা সভা অনুষ্ঠিত হয় বুলি জানিব পৰা গৈছে। অন্যহাতে কাৰ্বি আংলং জিলাত এনে ধৰণৰ সজাগতা সভা অনুষ্ঠিত কৰাৰ বাবে ভূয়সী প্ৰশংসা কৰিছে গাহৰি পালকসকলে।