আজি বিদ্যালয়ৰপৰা টিন চুৰি কৰিবলৈ গৈ ধৰা পৰিল কলিতাপাৰা উচ্চ মাধ্যমিক বিদ্যালয়ৰ প্ৰধান শিক্ষক৷
ৰাইজৰ ৰোষত বিদ্যালয়ৰপৰা পলায়ন প্ৰধান শিক্ষক জীবন চন্দ্ৰ নাথৰ৷
আজি আছিল জীৱন চন্দ্ৰ নাথৰ অৱসৰৰ দিন৷ অভিযোগ অনুসৰি এই অৱসৰৰ দিনটোতে পুৱা প্ৰায় ৭ বজাত এখন এ চি ভান লৈ বিদ্যালয় চৌহদত গোপনে প্ৰৱেশ কৰি প্ৰধান শিক্ষক নাথে এ চি ভানখনত স্কুলৰ টিন তুলি থকাৰ সময়তে একাংশ ৰাইজে প্ৰত্যক্ষ কৰে৷
প্ৰধান শিক্ষকগৰাকীৰ এই কাৰ্যত ৰাইজ ক্ষোভিত হৈ পৰাত টিন এৰি গাড়ী লৈ পলায়ন কৰে নাথ৷
এতিয়া জীৱন নাথৰ বিৰুদ্ধে জাঙুৰ খাই উঠিছে স্থানীয় ৰাইজ৷ প্ৰধান শিক্ষক নাথক গ্ৰেপ্তাৰৰ দাবী তুলিছে স্থানীয় ৰাইজে ৷