আজি বিশ্ব স্বাস্থ্য দিৱস । সুস্থ শৰীৰৰ অধিকাৰী হ’ব বিচাৰে নেকি…। ছলমানৰ পৰা হৃতিক আৰু মালাইকালৈকে এই চেলিব্ৰিটিসকলৰ ফিটনেছে অনুপ্ৰেৰণা যোগায়। বি-টাউনৰ বহু চেলিব্ৰিটিয়ে নিজৰ মানসিক আৰু শাৰীৰিক স্বাস্থ্যৰ প্ৰতি বিশেষ গুৰুত্ব দিয়ে। এই তাৰকাসকলৰ সুস্থ জীৱনশৈলী আৰু তেওঁলোকৰ ফিটনেছেও বহু লোকক অনুপ্ৰাণিত কৰে। নিজৰ ছবিৰে মনোৰঞ্জন দিয়াৰ উপৰিও বলীউডৰ তাৰকা গ্লেমাৰ আৰু ষ্টাইলৰ বাবেও পৰিচিত এইসকল ব্যক্তি। এনে বহু অভিনেতাই আমাক ফিট আৰু সুস্থ হৈ থাকিবলৈও অনুপ্ৰেৰণা যোগায়।সুস্থ জীৱনশৈলীৰ বাবে শাৰীৰিক আৰু মানসিক ফিটনেছ কিমান গুৰুত্বপূৰ্ণ জানেনে। আজি ‘বিশ্ব স্বাস্থ্য দিৱস ২০২৩’ত বলীউডৰ চেলিব্ৰিটিসকলে ফিটনেছৰ বিষয়ে জানক-
স্বাস্থ্য আৰু ফিটনেছৰ ক্ষেত্ৰত বলীউডৰ ফিটনেছ আইকন হৃতিক ৰোশনে প্ৰকৃত প্ৰেৰণা। খাদ্য আৰু ব্যায়ামৰ ৰুটিন দুয়োটা দিশতে সুস্থ জীৱনশৈলী বজাই ৰাখিছে। অভিনেতাজনৰ ফিটনেছে সঁচাকৈয়ে অনুপ্ৰাণিত কৰে।
আলিয়া ভাট
যুৱ প্ৰতিভাৱান অভিনেত্ৰী আলিয়া ভাটেও নিজৰ ফিটনেছক বহুত গুৰুত্ব দিয়ে। খাদ্যাভ্যাস মানি চলে আৰু ফিট হৈ থাকি ভাল পায়। আলিয়াই নিয়মিতভাৱে ছ’চিয়েল মিডিয়াতো শ্বেয়াৰ কৰে নিজৰ ফিটনেছৰ যাত্ৰাৰ বিষয়ে। ফিটনেছৰ প্ৰতি আলিয়াৰ দায়বদ্ধতাই সুস্থ জীৱনশৈলী কটাব বিচৰা সকলোৰে বাবে এক প্ৰেৰণা।
ছলমান খান-
ছলমান খান নিজৰ ফিটনেছৰ প্ৰতি অতিশয় দায়বদ্ধ। ব্যস্ততাৰ মাজতো অভিনেতাগৰাকীয়ে ৱৰ্কআউটক অতি গুৰুত্ব দিয়ে আৰু ইয়াক নিজৰ দৈনন্দিন জীৱনৰ অংশ হিচাপে গঢ়ি তুলিছে। সুস্থ জীৱনশৈলী বজাই ৰাখিব বিচৰা লাখ লাখ অনুৰাগীৰ প্ৰেৰণা।
অক্ষয় কুমাৰ
বলীউডৰ অন্যতম ফিট অভিনেতা অক্ষয় কুমাৰ। অক্ষয়ে সদায় সুস্থ জীৱনশৈলীৰ পোষকতা কৰি আহিছে। ৰাতিপুৱা সোনকালে সাৰ পোৱা, ৱৰ্কআউট ৰুটিন বজাই ৰখা আৰু সুষম খাদ্য বজাই ৰখাৰ বাবে তেওঁ পৰিচিত। অক্ষয়ে সুস্থ জীৱনশৈলী কটাব বিচৰা সকলোকে অনুপ্ৰাণিত কৰে।
মালাইকা অৰোৰা-
মালাইকা অৰোৰাৰ বয়স ৫০ বছৰ হ’ব আৰু তেওঁ ফিটনেছৰ ক্ষেত্ৰত কঠোৰ প্ৰতিযোগিতা কৰি আছে। বহুতৰে বাবে তেওঁ আদৰ্শ। নিজৰ ফিটনেছৰ প্ৰতি বিশেষ গুৰুত্ব দিয়া মালাইকা অৰোৰাই যোগাসন কৰি নিজৰ ফিটনেছ ৰক্ষা কৰি আহিছে। আনকি নিজৰ ইনষ্টাগ্ৰামতো অভিনেত্ৰীগৰাকীয়ে প্ৰায়ে ৱৰ্কআউটৰ ভিডিঅ’ পোষ্ট কৰি অনুৰাগীক ফিটনেছৰ বাবে অনুপ্ৰাণিত কৰে।