কিছুমান মানুহৰ এটা অভ্যাস থাকে যে তেওঁলোকে একেটা কথাকে বহুবাৰ চিন্তা কৰে। এনে অভ্যাসে আপোনাৰ হৃদযন্ত্ৰ আৰু মনক প্ৰভাৱিত কৰাই নহয় দেহত চুগাৰৰ মাত্ৰাও বৃদ্ধি কৰে। যেতিয়াই আপুনি একেটা কথাকে বাৰে বাৰে চিন্তা কৰে তেতিয়া কৰ্টিছল নামৰ হৰম’ন এটা নিৰ্গত হয়। এই হৰম’নে আপোনাৰ তেজত থকা চুগাৰৰ পৰিমাণ বৃদ্ধি কৰিব পাৰে। আপোনাৰ মানসিক চাপে তেজৰ চুগাৰৰ ওপৰত প্ৰভাৱ পেলায়। এই বাবে ডায়েবেটিছ ৰুগীক মানসিক চাপ নিয়ন্ত্ৰণৰ বাবে পৰামৰ্শ দিয়া হয়।
শৰীৰত উপস্থিত থকা স্নায়ু ব্যৱস্থাই বাৰ্তা প্ৰেৰণৰ কাম কৰে। বেছি চিন্তা কৰিলে বা মানসিক চাপত থাকিলে স্নায়ুতো একেই বাৰ্তা প্ৰেৰণ কৰা হয়। যাৰ ফলত হৃদযন্ত্ৰ আৰু উশাহ-নিশাহৰ অৱস্থাত প্ৰভাৱ পৰে। এই কাৰণেই মানসিক চাপত ভুগি থকা লোকসকল সহজেই মানসিক চাপৰ বলি হয় বা ষ্ট্ৰোকৰ বলি হয়।
যদি আপোনাৰ মানসিক চাপৰ অভ্যাস থাকে তেন্তে ৰক্তচাপও স্বাভাৱিক হৈ নাথাকে। প্ৰায়ে ৰক্তচাপ বাঢ়ি থাকে। ইয়াৰ বাবে ধমনীত ফুলা হ’ব পাৰে। যাৰ বাবে হৃদযন্ত্ৰৰ ক্ষতিৰ আশংকাও বৃদ্ধি পায়। গতিকে মনত ৰাখিব যে অত্যধিক চিন্তা কৰিলে কেৱল মানসিক স্বাস্থ্যৰ ওপৰত প্ৰভাৱ পৰাই নহয়, শাৰীৰিক স্বাস্থ্যৰ ওপৰতো বেয়া প্ৰভাৱ পৰে।