যদি আপুনি হাৰ্ট এটেকৰ পৰা হাত সাৰিব বিচাৰে তেন্তে সূৰ্য্যমুখী ফুলৰ গুটি খাওক, কলেষ্টেৰলও কমিব। সূৰ্যমুখী পৃথিৱীৰ অন্যতম ধুনীয়া ফুল। কেৱল দেখিবলৈ ধুনীয়াই নহয়, স্বাস্থ্যৰ বাবেও এই ফুল অতি উপকাৰী। এনে বহু ঔষধি গুণ সূৰ্য্যমুখী ফুলৰ গুটিত লুকাই থাকে, যাৰ উপকাৰিতা জানিলে আপুনি আচৰিত হ’ব। বহুতো গৱেষণাৰ দ্বাৰা এই বীজৰ ঔষধি গুণৰ বিষয়ে জানিব পৰা গৈছে। এই ফুলৰ উপকাৰিতা বিষয়ে জানো আহক – এন্টিঅক্সিডেন্ট, এন্টি-ইনফ্লেমেটৰী গুণ সূৰ্য্যমুখীৰ গুটিত পোৱা যায়। এই বীজত ফ্লেভন’ইড, পলিচেচুৰেটেড ফেটি এচিড আৰু ভিটামিন থাকে, যিয়ে হৃদযন্ত্ৰৰ লগত জড়িত ৰোগৰ পৰা ৰক্ষা কৰাৰ কাম কৰে। সূৰ্য্যমুখীৰ গুটিৰ জৰিয়তেও কলেষ্টেৰলৰ মাত্ৰা নিয়ন্ত্ৰণ কৰিব পাৰি। এই বীজত ওমেগা ফেটি এচিড থাকে যি ৰক্তবাহী নলীৰ বাবে উপকাৰী। ইয়াৰ ফলত উচ্চ ৰক্তচাপ, ৰক্তশৰ্কৰা আৰু কলেষ্টেৰল বৃদ্ধিৰ আশংকা হ্ৰাস পায়।
সূৰ্য্যমুখীৰ গুটি সেৱন কৰিলে মহিলাসকলৰ স্তন কেন্সাৰৰ সম্ভাৱনা কম কৰিব পাৰে। সূৰ্য্যমুখীৰ গুটিত লিগনান থাকে, যিটো স্বাস্থ্যৰ বাবে উপকাৰী বুলি বিবেচিত হয়। লিগনান হৈছে এক প্ৰকাৰৰ পলিফিনল যিয়ে শৰীৰত এন্টিঅক্সিডেন্ট হিচাপে কাম কৰে।
সূৰ্যমুখী গুটিয়ে আপোনাৰ মানসিক স্বাস্থ্য ভাল কৰি ৰখাৰ বাবেও উপযোগী হ’ব পাৰে। এই বীজত কেলচিয়াম আৰু জিংকৰ দৰে পুষ্টিকৰ উপাদান থাকে, যিবোৰ মগজুৰ বিকাশত উপকাৰী হ’ব পাৰে।
সূৰ্যমুখী গুটিত আইৰণ, জিংক, কেলচিয়াম থাকে, যিয়ে হাড় সুস্থ কৰি ৰখাত সহায় কৰিব পাৰে। হাড় মজবুত হোৱাৰ বাবে শৰীৰেও শক্তি লাভ কৰে।