মণিপুৰৰ ঘটনাৰ সন্দৰ্ভত আমেৰিকাৰ ৰাষ্ট্ৰদূতৰ মক্তব্যঃ ‘মানুহৰ দুখ-কষ্ট দেখি আমাৰ বুকুখন বিষাইছে…!’ মণিপুৰত দুগৰাকী মহিলাক উলংগ কৰি পেৰেড কৰা ঘটনাক লৈ দুখ প্ৰকাশ কৰি প্ৰধানমন্ত্ৰী নৰেন্দ্ৰ মোদীয়ে। মোদীয়ে কয় যে এই ঘটনা সভ্য সমাজৰ বাবে লজ্জাজনক আৰু এই ঘটনাৰ দোষীক ৰেহাই দিয়া নহ’ব। মণিপুৰৰ ঘটনাৰ সন্দৰ্ভত এক প্ৰশ্নৰ উত্তৰত আমেৰিকা ৰাষ্ট্ৰদূত গাৰ্চেট্টিয়ে মন্তব্য কৰি কয় যে এই ঘটনাৰ ভিডিঅ’ ভাইৰেল হৈ পৰিছে ছ’চিয়েল মিডিয়াত, মই ভিডিঅ’টো দেখা নাই, এই বিষয়ে প্ৰথমবাৰৰ বাবে শুনিছোঁ। কিন্তু যেতিয়া মানুহৰ দুখ-কষ্ট হয় তেতিয়াই আমাৰ হৃদয়খন বিষাই যায়…..’।
লগতে প্ৰধানমন্ত্ৰীয়ে সকলো মুখ্যমন্ত্ৰীকে নিজ নিজ ৰাজ্যত আইন-শৃংখলা সুদৃঢ় কৰাৰ লগতে বিশেষকৈ মহিলাসকলৰ সুৰক্ষাৰ বাবে কঠোৰতম পদক্ষেপ গ্ৰহণ কৰিবলৈ আহ্বান জনায়। প্ৰধানমন্ত্ৰী মোদীয়ে কয়, ‘কাণ্ড ৰাজস্থানৰ হওক, ছত্তীশগড়ৰ হওক, মণিপুৰৰ হওক…. এই দেশত ভাৰতৰ যিকোনো কোণত যিকোনো ৰাজ্য চৰকাৰে ৰাজনৈতিক বিতৰ্কৰ ওপৰেৰে উঠি আইন-শৃংখলাক গুৰুত্ব দি নাৰীৰ মৰ্যাদা ৰক্ষা কৰিব লাগে। লগতে কয় যে মণিপুৰৰ কন্যাৰ লগত যি হৈছে এই ঘটনাৰ দোষীক কেতিয়াও ক্ষমা কৰিব নোৱাৰি।’