দেশৰ আটাইতকৈ যোগ্য অবিবাহিতসকলৰ ভিতৰত তেওঁৰ নাম প্ৰথম শাৰীতে আছে। হয়, কংগ্ৰেছ নেতা ৰাহুল গান্ধীয়ে এতিয়াও বিয়া কৰাবলৈ বাকী আছে। এতিয়া এগৰাকী মহিলা কৃষকে ৰাহুলৰ মাতৃ ছোনিয়া গান্ধীৰ ওচৰত ৰাহুলক বিয়া পাতি দিবলৈ অনুৰোধ জনাইছে। তেওঁ পৰামৰ্শ দিছে যে ৰাহুলে এইবাৰ বিয়া কৰাব লাগে।মহিলাগৰাকীৰ কথাত ছোনিয়াই উত্তৰ দিয়ে, “আপুনি এজনী ভাল ছোৱালী বিচাৰি দিয়ক। “উল্লেখ্য ছোনিয়া গান্ধীৰ ঘৰলৈ হাৰিয়ানাৰ ছনিপটৰ পৰা কৃষকৰ এটা দলে ফুৰিবলৈ গৈছিল। তেওঁলোকে ছোনিয়া, প্ৰকিয়ংকা আৰু ৰাহুল গান্ধীৰ সৈতে একেলগে বহি খোৱা-বোৱা কৰাৰ লগতে অন্তৰংগভাবে কথাও পাতে। ৰাহুল গান্ধীয়ে তেওঁলোকৰ আগমনৰ এটা ভিডিঅ’ টুইট কৰিছে। ভিডিঅ’টোত হাৰিয়ানাৰ ছনিপতৰ কৃষক পৰিয়ালৰ মহিলাসকলৰ সৈতে ৰাহুল, প্ৰিয়ংকা আৰু ছোনিয়াৰ কথোপকথন দেখা গৈছে। ৰাহুলৰ বিয়াৰ কথাও সেই আলোচনাতে ওলায়।
শেহতীয়াকৈ, লালু প্ৰসাদ যাদৱেও বিৰোধী দলসমূহৰ বৈঠকৰ পিছত এখন সংবাদমেলত ৰাহুলক পোনপটীয়াকৈ কৈছিল যে ৰাহুলৰ বিবাহ সোনকালে সম্পন্ন কৰা হ’ব। ভাৰত জোড়ো যাত্ৰাৰ মাজতে এটা ইউটিউব চেনেলত সাক্ষাৎকাৰত কংগ্ৰেছ নেতাজনে বিয়াৰ বিষয়ে মন্তব্য কৰিছিল। তেওঁ কৈছিল যে যদি তেওঁ তেওঁৰ পচন্দৰ ছোৱালী এজনী বিচাৰি পায়, তেন্তে তেওঁ নিশ্চিতভাৱে বিবাহপাশত আৱদ্ধ হ’ব। ৰাহুলে কেনে ধৰণৰ ছোৱালী ভালপায় সেই বিষয়ে কোৱা শুনা গৈছিল, “যদি ছোৱালী জনীৰ গাত মোৰ মা আৰু আইতা দুয়োৰে গুণ থাকে, তেন্তে মই সেই ছোৱালীজনীক বিয়া পাতিম।”